బ్రహ్మోత్సవం హీరోయిన్ కాజల్ అగర్వాల్ తన పెళ్లి గురించి నోరు విప్పింది. తనకు నచ్చిన వ్యక్తిని పెళ్లి చేసుకుంటానని.. మూడేళ్ల నుంచి సింగిల్‌గానే ఉన్నానని చెప్పింది. మంచి వ్యక్తి దొరికేంతవరకు పెళ్లి గురించి ఆలోచించనని, అప్పటివరకు ఆ మాటెత్తదనని కాజల్ అగర్వాల్ తెలిపింది. ఇంకా తాను సినిమా ఇండస్ట్రీకి చెందిన వ్యక్తిని పెళ్లి చేసుకోననని కాజల్ అగర్వాల్ స్పష్టం చేసింది.
భార్యాభర్తలు వేర్వేరు వృత్తుల్లో ఉంటేనే వారి మధ్య అనుబంధం మరింత బలపడుతుందని, ఉదయం లేచిన దగ్గర నుంచి అతనికి ఐ లవ్ యూ చెబుతూ కూర్చోలేనని, అలాగని తాను చాలా స్ట్రిక్ట్‌గా ఉంటానని అనుకోవాల్సిన అవసరమూ లేదని చెప్పింది. అయితే, మూడేళ్లుగా సింగిల్ అంటోన్న కాజల్ అంతకుముందు గురించి చెప్పలేదేంటి అంటూ సోషల్ మీడియాలో కుర్రకారు తెగ ఫీలైపోతున్నారు.
నందమూరి కళ్యాణ్ రామ్ హీరోగా నటించిన లక్ష్మీకల్యాణం సినిమా టాలీవుడ్‌కు పరిచయమైన కాజల్ అగర్వాల్, ఆ తరువాత కృష్ణవంశీ తెరకెక్కించిన చందమామ చిత్రంతో మంచి పేరు కొట్టేసింది. ఎస్.ఎస్. రాజమౌళి తెరకెక్కించిన మగధీర చిత్రంలో హీరోయిన్‌గా నటించి రికార్డు హిట్ అందుకున్న సంగతి తెలిసిందే. ఇటీవలే కాజల్ అగర్వాల్ సర్దార్ గబ్బర్ సింగ్, బ్రహ్మోత్సవం సినిమాల్లో నటించింది.
ఈ సినిమాలు కాజల్‌కు ఆశించిన స్థాయిలో గుర్తింపు సంపాదించిపెట్టలేదు. అందుకే కాజల్ పెళ్ళి చేసుకుని సెటిలైపోతుందని అనుకుంటే.. మంచి వ్యక్తి ఇంకా దొరకలేదని.. అలాంటి వ్యక్తి దొరికితే తప్పకుండా పెళ్లి చేసుకుంటానని చెప్తోంది.