దొరబాబుకు అండగా నిలిచిన భార్య.. చేతిపై పచ్చబొట్టు వేసుకుని?

Dorababu_Nandu

వ్యభిచారం చేస్తూ దొరికిపోయిన తర్వాత జబర్దస్త్ కామెడీ నటుడు దొరబాబు గురించి కొన్ని ఆసక్తికరమైన విషయాలు బయటికి వస్తున్నాయి.  అలాంటి పరిస్థితుల్లో భర్తను చూసిన తర్వాత ఏ భార్యకైనా కూడా కచ్చితంగా కోపం వస్తుంది. 

కానీ అతని భార్య మాత్రం ఆయనకు పూర్తి సపోర్ట్ చేస్తుంది. భర్తకు అండగా నిలుస్తుంది. అతడు దొరికిన కేసు.. అక్కడ జరిగిన విషయం ఏంటనేది అందరికీ తెలుసు. కానీ అలాంటి సమయంలో కుటుంబమే వెలేస్తే మాత్రం పరిస్థితులు దారుణంగా ఉంటాయని తెలుసుకుందో ఏమో కానీ.. భార్య అతనికి మద్దతు ప్రకటించింది. 

ఇంకా తాజాగా సంచలన వ్యాఖ్యలు చేసింది. తనను ప్రాణంగా చూసుకుంటాడని.. కూతుర్ని కాలు కింద పెట్టకుండా చూసుకుంటున్నాడని చెప్పింది దొరబాబు భార్య నందు. ఈమె నెల్లూరు లోకల్ ఛానెల్లో యాంకర్ పనిచేస్తోంది. 2018లో దొరబాబుతో ఈమెకు ప్రేమ వివాహం జరిగింది. అప్పట్నుంచి ఇద్దరూ అన్యోన్యంగా కలిసున్నారు. బి గ్రేడ్ షార్ట్ ఫిల్మ్స్ చేసాడని తెలిసినా కూడా దొరబాబును నందు ప్రేమించి పెళ్లి చేసుకుందంటే అతనెంత మంచివాడో అర్థం చేసుకోండని అంటున్నారు.. దొరబాబు సన్నిహితులు కూడా. 

ఇక భార్య మరో అడుగు ముందుకేసి భర్త పట్టుబడిన తర్వాత అతడి పేరును చేతిపై పచ్చబొట్టు పొడిపించుకుని.. డి ఫర్ దొరబాబు అంటూ టాటూ వేయించుకుంది నందు. ఈమె చేసిన పని చూసి కొందరు షాక్ అవుతున్నారు. మరికొందరు మాత్రం ఇంతగా ప్రేమించే భార్య ఇంట్లో ఉంటే అవేం పాడుపనులు అంటూ దొరబాబును విమర్శిస్తున్నారు