బుల్లితెరపై ప్రముఖ యాంకర్‌గా రాణిస్తున్న సౌమ్యా రావుకు సంబంధించిన వీడియో ఒకటి ఇపుడు ప్రతి ఒక్కరితో కంట తడిపెట్టిస్తుంది. కేన్సర్‌తో బాధపడుతున్న తన తల్లిని తలచుకుని ఆమె తీవ్ర భావోద్వేగానికి లోనవుతున్నారు. చివరి రోజుల్లో తన తల్లి ఎదుర్కొన్న నరకం గురించి వివరిస్తూ ఏ తల్లికీ అలాంటి పరిస్థితి రాకూడదని కన్నీటి పర్యంతమైంది. ఆస్పత్రి పడక మీద ఉన్న తల్లిని సంతోషంగా ఉంచేందుకు రీల్స్ చేసిన వీడియోను సౌమ్య తన ఇన్‌స్టా ఖాతాలో షేర్ చేశారు. ఇది ఇపుడు వైరల్‌గా మారింది.
"అమ్మ కోసం గుడికి వెళ్లి పూజలు చేశాను. ఉపవాసాలు ఉన్నాను. అయినా దేవుడు నా మీద దయ చూపలేదు. దేవుడు ఎందుకు ఇలా చేశాడు అని చాలా బాధపడ్డాను. అమ్మా.. చివరి క్షణాల్లో నీవు పడిన బాధలు మర్చిపోలేక పోతున్నా.. నువ్వు లేకుండా నా జీవితం అసంపూర్ణంగానే మిగిలింది. ప్రతి క్షణం నిన్ను మిస్ అవుతున్నాను. అమ్మా.. నా కోసం మళ్లీ పుడతావని వేయి కళ్లతో ఎదురు చూస్తున్నా.. దేవుడా.. మళ్లీ మా అమ్మనాన్నలను నాకివ్వు. లవ్యూ సో మచ్.. అంటూ సౌమ్య తన అమ్మపై తనకున్న ప్రేమను తెలిపింది.