బిగ్ బాస్ షో నుంచి నాగ్ తప్పుకుంటున్నాడా..? (video)

బిగ్ బాస్ 1, బిగ్ బాస్ 2, బిగ్ బాస్ 3... ఈ మూడు సీజన్లు వీక్షకులకు మంచి వినోదాన్ని అందించాయి. ఇక బిగ్ బాస్ 4 వస్తుందని తెలిసినప్పటి నుంచి ఈ షోపై భారీ అంచనాలు ఏర్పడ్డాయి. అయితే.. ఫస్ట్‌లో బాగానే ఉందనిపించినా.. ఆ తర్వాత ఈ షోపై ఇంట్రెస్ట్ తగ్గుతుందనే టాక్ వచ్చింది. దీనికి కారణం ఈ షోలో పాల్గొన్నవారిలో అంతగా ఆకట్టుకునే వాళ్లు లేకపోవడమే అని అందరూ చెబుతున్న మాట.

ఇదిలా ఉంటే.. బిగ్ బాస్ షో నుంచి నాగార్జున తప్పుకుంటున్నారని వార్తలు వస్తున్నాయి. ఏంటి నాగార్జున హోస్ట్ చేయరా..? తప్పుకుంటున్నారా..? ఇది నిజమేనా..? అసలు ఈ వార్త వెనకున్న వాస్తవం ఏంటి అని ఆరా తీస్తే... తెలిసింది ఏంటంటే... నాగార్జున ప్రస్తుతం వైల్డ్ డాగ్ మూవీ చేస్తున్నారు. ఈ చిత్రానికి నూతన దర్శకుడు సోల్మాన్ దర్శకత్వం వహిస్తున్నారు. భారీ యాక్షన్ ఎంటర్టైనర్‌గా ఈ సినిమా రూపొందుతోంది.

సమ్మర్లో ఈ సినిమాని రిలీజ్ చేయాలి అనుకున్నారు కానీ.. కరోనా కారణంగా ఆగింది. అయితే... ఈ సినిమా కోసం కొంత షూటింగ్ థాయ్‌లాండ్‌లో చేయాల్సివుంది. అప్పుడు కరోనా కారణంగా ఆ షెడ్యూల్ క్యాన్సిల్ చేసారు. ఇప్పుడు కరోనా తగ్గడంతో థాయ్‌లాండ్‌లో షూటింగ్ ప్లాన్ చేస్తున్నారు.

అయితే.. నాగార్జున థాయ్‌లాండ్ వెళ్లి వైల్డ్ డాగ్ షూటింగ్‌లో పాల్గొంటే.. మరి.. బిగ్ బాస్ హోస్ట్‌గా ఎవరు చేస్తారు అనేది ఆసక్తిగా మారింది. థాయ్ లాండ్ నుంచి నాగార్జున బిగ్ బాస్ కోసం వస్తారా..? లేక మరొకరిని ఎవర్నైనా హోస్ట్ చేయమంటారా..? అనేది ప్రస్తుతానికి సస్పెన్స్. మరి.. ఏం చేస్తారో చూడాలి.