బుల్లితెరలో ప్రసారమవుతున్న బూతు కామెడీ కార్యక్రమాల్లో జబర్దస్త్, పటాస్‌లు అత్యంత ముఖ్యమైనవి. బుల్లితెరలో ప్రసారమయ్యే ఈ కార్యక్రమాలపై టాలీవుడ్‌లో రసవత్తర చర్చ సాగుతోంది. ముఖ్యంగా సినీ నటుడు చలపతి రావు
బుల్లితెరలో ప్రసారమవుతున్న బూతు కామెడీ కార్యక్రమాల్లో జబర్దస్త్, పటాస్‌లు అత్యంత ముఖ్యమైనవి. బుల్లితెరలో ప్రసారమయ్యే ఈ కార్యక్రమాలపై టాలీవుడ్‌లో రసవత్తర చర్చ సాగుతోంది. ముఖ్యంగా సినీ నటుడు చలపతి రావు అమ్మాయిలు గురించి చేసిన వ్యాఖ్యలు వివాదాస్పదం కావడంతో ఇపుడు 'జబర్దస్త్', 'పటాస్' బూతు కామెడీ, ద్వంద్వార్థాలపై చర్చకు తెరలేసింది.
ఈ షోల్లో అసభ్యత పెరిగిందని హైదరాబాద్ పరిధిలోని బాలానగర్ పోలీస్ స్టేషన్‌లో సెన్సార్ బోర్డు సభ్యుడు ఎన్ దివాకర్ ఫిర్యాదు చేశారు. అయితే, పోలీసులు తన ఫిర్యాదును పట్టించుకోవడం లేదని, సదరు షోలపై చర్యలు తీసుకోలేదని ఆరోపిస్తూ, దివాకర్ హెచ్ఆర్సీని ఆశ్రయించారు. దీనిపై స్పందించిన హెచ్ఆర్సీ.. ఈ రెండు కార్యక్రమాల నిర్మాతలు, దర్శకులకు నోటీసులు జారీ చేస్తూ, ఆగస్టు 10 లోగా వివరణ ఇవ్వాలని, లేకుంటే చర్యలు తీసుకుంటామని స్పష్టం చేసింది.