అంతర్జాతీయ స్థాయిలో రికార్డుల మోత మోగిస్తున్న 'శ్రీవల్లి' పాట

ఐకాన్ స్టార్ అల్లు అర్జున్ - సుకుమార్ కాంబినేషన్‌లో వచ్చిన చిత్రం "పుష్ప". గత యేడాది డిసెంబరు 17వ తేదీన ప్రపంచ వ్యాప్తంగా ఐదు భాషల్లో విడుదలైంది. తెలుగు, తమిళం, కన్నడ, మళయాళం, హిందీ భాషల్లో నిర్మించారు. ఇప్పటికే ఈ చిత్రంలోని పాటలతో పాటు చిత్రం సూపర్ డూపర్ హిట్ సాధించింది. 

అయితే, తాజాగా శ్రీవల్లి పాటను నెదర్లాండ్స్‌కు చెందిన ప్రముఖ గాయని ఎమ్మా హీస్టర్స్ అద్భుతంగా ఆలపించారు. ఆ వీడియోను ఆమె యూట్యూబ్‌లో అప్‌లోడ్ చేశారు. శ్రీవల్లి పాటకు ప్రారంభంలో ఇంగ్లీష్ లిరిక్స్ కూడా జోడించారు. ఈ వీడియో సోషల్ మీడియాలో వైరలై, ట్రిండింగ్‌లో ఉంది. 

ఇది ఈ చిత్ర సంగీత దర్శకుడు దేవీశ్రీ ప్రసాద్ దృష్టికి వచ్చింది. ఆ వీడియోను చూసి ముగ్ధుడయ్యారు. "హేయ్ సిద్ శ్రీరామ్ బ్రో.. ఈ పాట రికార్డు చేస్తున్నపుడు శ్రీవల్లి ఇంగ్లీష్ వెర్షన్ కూడా చేయాలని మనం అనుకున్నాం దా. అయితే, ఈ పాటకు అద్భుతమైన కవర్ సాంగ్ వచ్చింది. ఇదిగో" అంటూ ఎమ్మా హీస్టర్స్ పాడిన పాట తాలూకూ వీడియోను షేర్ చేశారు.