'జీవితంలో ఎక్కడ గెలిచినా చావు దగ్గర ఓడిపోవాలసిందే' : ఇంట్రెస్టింగ్‌గా 'హత్య' ట్రైలర్

'జీవితంలో ఎక్కడ గెలిచినా చావు దగ్గర ఓడిపోవాలసిందే' అంటూ "హత్య" ట్రైలర్ చాలా ఇంట్రెస్టింగ్‌గా సాగింది. విజయ్ ఆంటోనీ హీరోగా నటించిన తాజా చిత్రం "హత్య". తన కెరియర్ ఆరంభం నుంచి విభిన్నమైన కథలను ఎంచుకుంటూ ప్రేక్షకులను ఆలరిస్తూ వస్తున్నారు. ఇటీవల ఆయన నటించి, దర్శకత్వం వహించిన "బిచ్చగాడు-2" చిత్రం సూపర్ డూపర్ హిట్ అయింది. ఇపుడు "హత్య" పేరుతో ప్రేక్షకుల ముందుకురానున్నారు. ఈ మూవీ ఫస్ట్ లుక్‌ పోస్టరుతోనే అమితాసక్తిని రేకెత్తించారు. 

బాలాజీ కుమార్ దర్శకత్వంలో వహించిన ఈ సినమాలో ఆయన డిటెక్టివ్‌గా కనిపించనున్నాడు. ఈ నెల 21వ తేదీన ఈ సినిమా విడుదలకానుంది. ఈ నేపథ్యంలో మంగళవారం ఈ చిత్రం నుంచి మరో ట్రైలర్‌ను రిలీజ్ చేశారు. "జీవితంలో ఎక్కడ గెలిచినా చావు దగ్గర ఓడిపోవాలసిందే" అనే డైలాగ్‌తో ఈ ట్రైలర్ అవుతోంది.

లైనా అనే ఒక మోడల్ హత్య చుట్టూ ఈ స్టోరీ తిరుగుతుంది. పోలీసులకు కూడా సాధ్యం కాని ఈ మర్డర్ మిస్టరీని ఛేదించడానికి హీరో రంగంలోకి దిగుతాడు. ఇందులో రితికా సింగ్, మీనాక్షి చౌదరిలు హీరోయిన్లుగా నటించారు. మురళీ శర్మ, రాధికా శరత్ కుమార్‌కు కీలకమైన పాత్రలను పోషించారు. ఈ చిత్రానికి గిరీష్ గోపాలకృష్ణన్ సంగీతం.