పవర్ స్టార్ పవన్ కళ్యాణ్ తన పుట్టిన రోజు వేడుకలను శుక్రవారం జరుపుకుంటున్నారు. ఈ సందర్భంగా ఆయనకు అనేక సినీ, రాజకీయ ప్రముఖులు పుట్టిన రోజు శుభాకాంక్షలు తెలుపుతున్నారు. ఈ బర్త్‌డేను పురస్కరించుకుని ఆయన నటించే "హరి హర వీరమల్లు" చిత్రానికి సంబంధించి "పవర్ గ్లాన్స్"ను రిలీజ్ చేశారు.
మొఘలాయిలు, కుతుబ్‌షాహీల శకం నేపథ్యంలో సాగే కథ. చరిత్రకెక్కిన ఒక బందిపోటు వీరోచిత గాథగా ఈ చిత్రాన్ని క్రిష్ జాగర్లమూడి తెరకెక్కిస్తున్నారు. ఇందులో నిధి అగర్వాల్ హీరోయిన్‌గా నటిస్తున్నారు. ఈ చిత్రాన్ని సీనియర్ నిర్మాత ఏఎం రత్నం సమర్పిస్తున్నారు. మెగా సూర్య ప్రొడక్షన్ పతాకంపై నిర్మాత దయాకర్ రావు నిర్మిస్తున్నారు. ఎంఎం కీరవాణి సంగీతం అందిస్తున్నారు.