కోలీవుడ్‌లో లవర్ బాయ్ శింబు నయనతార, హన్సిక మాజీ ప్రేమికులని తెలిసిందే. వీరిద్దరితో శింబుకు బ్రేక్ అప్ చెప్పిన సంగతి కూడా తెలిసిందే. హన్సిక, శింబుల ప్రేమాయణం పెళ్లి వరకు వచ్చింది. కానీ ఏవో కారణాలతో ఇద్దరు విడిపోయారు. బ్రేక్ అప్ చెప్పుకున్నప్పటికీ వీరిద్దరూ కలసి నటిస్తూనే ఉన్నారు. కొత్తగా హన్సిక సినిమాలో శింబు గెస్ట్ రోల్ చేశాడు.
ప్రస్తుతం అమ్మడు లాక్ డౌన్ కారణంగా సోషల్ మీడియాలో యాక్టీవ్‌గా ఉంటోంది. ఈ సందర్భంగా చాలామంది శింబు గురించే హన్సికను ప్రశ్నించారు. మొదట్లో ఈ ప్రశ్నలను హన్సిక పట్టించుకోలేదు. అయితే వరుసగా అవే ప్రశ్నలు వస్తుండడంతో సమాధానం చెప్పక తప్పలేదు.
ఈ సందర్భంగా ఓ అభిమాని శింబుతో బ్రేక్ అప్ అయినప్పటికీ మీరు కలిసే తిరుగుతున్నారు నిజంగా మీరు బ్రేక్ అప్ చెప్పుకున్నారు అని అడిగినప్పుడు ఆమె తన సమాధానం 'మాజీ ప్రేమికులు స్నేహితులుగా ఉండకూడదా?' అంతే కాదు మేమిద్దరం మంచి స్నేహితులం.. అంతే అని హన్సిక చెప్పుకొచ్చింది.