గుంటూరు కారం: స్టెప్పులేసి ఘాటెక్కిస్తున్న శ్రీలీల(video)

గుంటూరు కారం సూపర్ ట్రెండ్ లో వుంది. దీనికి తగ్గట్లు ఈ చిత్రంలో నటించిన హీరోయిన్ శ్రీలీల చిత్రం ప్రమోషన్ కోసం ఏ చిన్న ఛాన్సును వదులుకోవడంలేదు. ఓ బేబీ పాటకు స్టెప్పులేస్తూ ఘాటెక్కిస్తోంది. దీనికి సంబంధించిన వీడియో సోషల్ మీడియాలో ట్రెండ్ అవుతోంది. మహేష్ బాబు, శ్రీలీల నటిస్తున్న సినిమా గుంటూరు కారం. ఈ సినిమా కోసం ఓ మై బేబీ సాంగ్ ను ఇటీవలే షూట్ చేశారు. ఇందులో మహేష్ బాబు అందానికి ముగ్దురాలైన శ్రీలీల అతని వెంట ఎలా పడింది? అనేది కాన్సెప్ట్‌తో సాంగ్ వుంది. హరి రామ జోగయ్య రాసిన ఈ పాటలొ మహేష్ బాబు నటించిన ఒక్కడు సినిమా పేరు కూడా వచ్చేలా ప్లాన్ చేశారు.

సాంగ్ ఎలావుందంటే..

ఓ బేబీ.. ఓ మై బేబీ.. నా చెంపలకంటిన సిగ్గువు నువ్వే..ఓ మై బేబీ నీ బుగ్గలు పిండాలి.. నీకు ముద్దులు పెట్టాలి. నా చున్నీ నీకు టై కట్టాలి. ఏ నాటికో కోటికో నాకై పుట్టిన ఒక్కడే నువ్వేలే.. ఓ మై బేబీ నీ పక్కన వాలాలి. నీ కౌగిలి ఖాళీ పూరించాలి.. హీరోయిన్ వెంట పడే పాటగా వుంది. 

View this post on Instagram

A post shared by Sreeleela (@sreeleela14)

ఈ గీతాన్ని గాయని శిల్పారావు ఆలపించగా, శేఖర్ వి.జె. మాస్టర్ కొరియోగ్రఫీ చేశారు. తనదైన బాణీలను థమన్ సమకూర్చారు. త్రివిక్రమ్ శ్రీనివాస్ దర్శకత్వం వహించిన ఈ సినిమాను రాధాక్రిష్ణ నిర్మిస్తున్నారు. వచ్చే సంక్రాంతికి ఈ సినిమా విడుదల కాబోతుంది.