Webdunia - Bharat's app for daily news and videos

Install App

అవంతిక పాత్ర రాజమౌళి ఇచ్చాడు.. మిగతావాళ్లకు ఆ గట్స్ ఏవీ: తమన్నా విచారం

పదేళ్లకు పైగా సినిమా జీవితం ఆమెది. ఈ పదేళ్లూ పాలనురుగు వంటి తన మేని అందాలను చూపించిన చోటే చూపిస్తూ డబ్బు చేసుకుంటోంది చిత్రపరిశ్రమ. దక్షిణాది సినిమాల్లో ఆమె శరీరాన్ని సొమ్ము చేసుకున్నట్లుగా మరే హీరోయి

Webdunia
గురువారం, 30 మార్చి 2017 (05:22 IST)
ఫదేళ్లకు పైగా సినిమా జీవితం ఆమెది. ఈ పదేళ్లూ పాలనురుగు వంటి తన మేని అందాలను చూపించిన చోటే చూపిస్తూ డబ్బు చేసుకుంటోంది చిత్రపరిశ్రమ. దక్షిణాది సినిమాల్లో ఆమె శరీరాన్ని సొమ్ము చేసుకున్నట్లుగా మరే హీరోయిన్ విషయంలోనూ జరగలేదు. కోట్లు గుమ్మరించి నిర్మాతలూ, దర్శకులూ ఆమెచేత సైన్ చేయించుకుంటున్నది తన శరీరంలోని అణువణువునూ ఏదో ఒక ప్రత్యేకమైన యాంగిల్‌లో చూపి కాసులు రాబట్టుకోవడానికే అన్నది జగమెరిగిన సత్యం. ఒక్కమాటలో చెప్పాలంటే ఆమె దక్షిణాది గ్లామర్ క్వీన్. తన గ్లామర్‍‌ను చూసి తనకే బోర్ కలుగుతున్నా నిర్మాతల, దర్శకుల ఆబతనం నుంచి ఆమె బయట పడలేక అందాల ఆరబోతతోనే జీవితం గడిపేస్తున్నారు.
 
కానీ బాహుబలి సినిమా ఆమె కెరీర్‌నే మార్చేసింది. అవంతిక పాత్ర ప్రేక్షకులలో గిలిగింతలు పెట్టించింది. గ్లామర్‌తో కాదు. చిత్ర దర్శకుడు రాజమౌళి, తన తండ్రి విజయేంద్ర ప్రసాద్ అవంతిక పాత్రను తీర్చిదిద్దిన వైనం వారికే ఆశ్చర్యం కలిగించేంత గొప్ప నటనను ఆమె నుంచి రాబట్టింది. బాహుబలి తొలి భాగంలో ఊహించనంత మంచి నటన ప్రదర్శించింది అవంతికే అంటూ విజయంద్ర ప్రసాద్ ప్రశంసల వర్షం కురిపించాడంటే ఆ చిత్రంలో ఆమె పాత్ర ధీరత్వం ఎలాంటిదో అర్థం చేసుకోవచ్చు. 
 
అందుకే తనను గ్లామర్ కా రాణీ అనే ఇమేజ్ నుంచి తప్పించి తనకూ నటనకు ప్రాధాన్యత ఉండే పాత్రలను ఇవ్వాల్సిందిగా ఆమె ఇప్పుడు నిర్మాతలను, దర్శకులను ఒత్తిడి పెడుతున్నారట. రియల్ లైఫ్‌లో సంసారపక్షంగా ఉండే తనను రీల్ లైఫ్ లోనే కురుచ దుస్తులతో చూపించి తన ఇమేజ్‌కు భంగం కలిగేలా చేస్తున్నారని ఆమె వాపోతున్నారు. బాహుబలి చిత్రంలో అందాలతోపాటు అభినయాన్ని ప్రదర్శించి ప్రశంసలు అందుకున్న తమన్నా భవిష్యత్తులోనైనా ఆ తరహా శక్తివంతమైన పాత్రల్లో నటించాలని ఆశ పడుతున్నారట.
 
ఏప్రిల్ 28న విడుదల అవుతున్న బాహుబలి-2 లో వీరనారిగా తమన్నా పాత్రను చూసైనా ఆమెపట్ల చిత్ర ప్రపంచం తన అబిప్రాయాన్ని మార్చుకుంటుందా? అయినా తమన్నా లోని అప్సరసను, వీరత్వాన్ని సమపాళ్లలో చూపించి భళీ  అనిపించుకున్న రాజమౌళి ధీరత్వం మిగతా దర్శకుల్లో ఏదీ మరి.
 
అన్నీ చూడండి

తాజా వార్తలు

రాయచూర్ గ్రీన్‌ఫీల్డ్ విమానాశ్రయ నిర్మాణానికి పర్యావరణ ఆమోదం

మాజీ ప్రేమికుడి వేధింపులు.. ప్రైవేట్ ఫోటోలు లీక్.. పెళ్లి క్యాన్సిల్.. ఎలా జరిగిందంటే?

బిల్లు తీసుకురాకపోతే పార్లమెంట్ భవనాన్ని వక్ఫ్ ఆస్తిగా చెబుతారు : కిరణ్ రిజిజు

తెలంగాణలో రానున్న రెండు రోజుల్లో ఉరుములు, మెరుపులతో వర్షాలు

కంచ గచ్చిబౌలిలో 400 ఎకరాల భూమి వేలం.. జోక్యం చేసుకున్న కేంద్రం.. ఏం చెప్పిందంటే?

అన్నీ చూడండి

ఆరోగ్యం ఇంకా...

ఈ ప్రపంచ ఆరోగ్య దినోత్సవ వేళ, కాలిఫోర్నియా బాదంపప్పులతో మీ ఆరోగ్యం

కిడ్నీ స్టోన్స్ తగ్గించేందుకు సింపుల్ టిప్స్

వారానికి మూడు రోజుల పాటు కొబ్బరి నీళ్లు తాగితే?

ఈ 5 పదార్థాలను పరగడుపున తింటే?

బెల్లీ ఫ్యాట్ కరిగిపోయి అధికబరువు తగ్గిపోవాలంటే?

తర్వాతి కథనం
Show comments