సెన్సార్‌కు సిద్ధ‌మైన ‘గ‌ల్లీరౌడీ’

Sandeep, Nehashetti

సందీప్ కిష‌న్ టైటిల్ పాత్ర‌లో నటిస్తోన్న చిత్రం ‘గ‌ల్లీరౌడీ’. కోన వెంక‌ట్ స‌మ‌ర్ప‌కుడిగా వ్య‌వ‌హిరించ‌డ‌మే కాకుండా స్క్రీన్‌ప్లేను కూడా అందించారు. కోన ఫిల్మ్‌ కార్పొరేషన్‌, ఎంవీవీ సినిమా పతాకాలపై కోన వెంకట్‌ సమర్పణలో జి.నాగేశ్వరరెడ్డి దర్శకత్వంలో ఎం.వి.వి. సత్యనారాయణ ‘గల్లీ రౌడీ’ చిత్రాన్ని నిర్మిస్తున్నారు. న‌ట‌కిరిటీ రాజేంద్ర ప్ర‌సాద్ ఇందులో ప్ర‌ధాన‌పాత్ర‌ పోషించారు. బాబీ సింహ ఓ కీలక పాత్రలో నటించారు. నేహా శెట్టి హీరోయిన్‌. ఈ ఫ‌న్ ఎంట‌ర్‌టైన‌ర్  పోస్ట్ ప్రొడ‌క్ష‌న్ ప‌నుల‌ను పూర్తి చేసుకుని సెన్సార్‌కు సిద్ధ‌మైంది. 

ఈ సంద‌ర్భంగా ద‌ర్శ‌క నిర్మాత‌లు తెలుపుతూ, ఇప్ప‌టికే విడుద‌లైన టీజ‌ర్ సినిమా ఎంత హిలేరియ‌స్‌గా ఉంటుంద‌నే విష‌యాన్ని రాబ‌ట్టుకుంది. హీరో, హీరోయిన్ మ‌ధ్య సాగే ల‌వ్ మాంటేజ్ సాంగ్ ‘పుట్టనే ప్రేమ...’కు మంచి స్పందన వచ్చింది. సినిమా ఫన్ రైడర్‌గా ప్రేక్ష‌కుల‌ను మెప్పించ‌డం ఖాయ‌మ‌ని అంద‌రిలో సినిమాపై మంచి అంచ‌నాలు నెల‌కొన్నాయి. అలాగే రాజేంద్ర ప్ర‌సాద్‌గారు సినిమాలో చాలా ఇంపార్టెంట్ రోల్ చేశారు. ఆయ‌న పాత్రకున్న ప్రాధాన్య‌త ఏంటో సినిమా చూస్తే అర్థ‌మ‌వుతుంది. బాబీసింహా  కూడా కీల‌క పాత్ర‌ను పోషించారు. ది ఫ్యామిలీ మేన్ 2, ఛ‌లో వంటి చిత్రాల్లో న‌టించిన మెప్పించిన మైమ్ గోపి ఈ చిత్రంలో విల‌న్‌గా న‌టించారు. అలాగే హీరోయిన్ నేహాశెట్టి రోల్‌, ఇలా అంద‌రి పాత్ర‌లను ప్ర‌తి ఒక్క‌రూ ఎంజాయ్ చేసేలా ఉంటుంది. సినిమా పోస్ట్ ప్రొడక్ష‌న్ కార్యక్ర‌మాలు పూర్త‌య్యాయి. త్వ‌ర‌లోనే సెన్సార్ కూడా పూర్తి చేసుకోనుంది. సెన్సార్ పూర్తి కాగానే సినిమా రిలీజ్ డేట్‌పై అధికారిక ప్ర‌క‌ట‌న చేస్తాం’’ అని ద‌ర్శ‌క నిర్మాత‌లు తెలిపారు.

నిర్మాత‌:  ఎం.వి.వి.స‌త్య‌నారాయ‌ణ‌

సంగీతం:  చౌర‌స్తా రామ్‌, సాయికార్తీక్‌

క‌థ‌:  భాను

ఎడిట‌ర్‌:  ఛోటా కె.ప్ర‌సాద్‌