కత్తి హీరోకు కోపమొచ్చింది.. మహిళలను గౌరవించండి.. లేదంటే?

ధన్య రాజేంద్రన్ అనే మహిళా జర్నలిస్టుపై తమిళ కత్తి హీరో విజయ్ ఫ్యాన్స్ దుర్భాషలాడారు. దీనిపై విజయ్ స్పందిస్తూ తన అభిమానులపై ఫైర్ అయ్యాడు. మహిళలను గౌరవించడం నేర్చుకోవాలన్నాడు. మహిళల భావాలను దెబ్బతీయకూడద

ధన్య రాజేంద్రన్ అనే మహిళా జర్నలిస్టుపై తమిళ కత్తి హీరో విజయ్ ఫ్యాన్స్ దుర్భాషలాడారు. దీనిపై విజయ్ స్పందిస్తూ తన అభిమానులపై ఫైర్ అయ్యాడు. మహిళలను గౌరవించడం నేర్చుకోవాలన్నాడు. మహిళల భావాలను దెబ్బతీయకూడదని చెప్పాడు. తాను ఇటీవల షారుక్ ఖాన్ మూవీ జబ్ హారీ సెజల్ చూశానని ధన్య రాజేంద్రన్ తెలిపింది. అది కొన్నేళ్ల క్రితం విజయ్ నటించిన సురా సినిమా కంటే ఘోరంగా వుందని వ్యాఖ్యానించింది.

ఈ వ్యాఖ్యలపై విజయ్ ఫ్యాన్స్ కోపంతో ఊగిపోయారు. మూడు రోజులపాటు ఆమెను దుర్భాష లాడుతూ 63వేల రీ ట్వీట్లు చేశారు. దీంతో బెంబేలెత్తిన ధన్య రాజేంద్రన్ పోలీసులకు ఫిర్యాదు చేసింది. వారు ఇద్దరు అనుమానితులను అదుపులోకి తీసుకున్నారు. ఈ నేపథ్యంలో విజయ్ అభిమానులకు వార్నింగ్ ఇచ్చాడు. అదుపులో వుండాలని.. మహిళల పట్ల ఇలా వ్యవహరిచడం సరికాదని హితవు పలికాడు. సోషల్ మీడియాలోనే కాదు.. ఎక్కడైనా మహిళలపై అభ్యంతరకర పదజాలాన్ని వాడకూడదని.. వారిని ప్రశంసించాలనే కాని ఇలాంటి పనిచేయకూడదన్నాడు.