ధూం ధాం లో మ్యూజిక్, కామెడీని ఎంజాయ్ చేస్తున్నారు : రామ్ కుమార్, రైటర్ గోపీ మోహన్

Ram Kumar, writer Gopi Mohan

చేతన్ కృష్ణ, హెబ్బా పటేల్ హీరో హీరోయిన్లుగా నటించిన సినిమా "ధూం ధాం". ఇటీవలే విడుదలైంది. ప్రేక్షకుల నుంచి మంచి స్పందన వస్తోంది. థియేటర్స్ లోకి వెళ్లిన వాళ్లంతా ఎంటర్ టైన్ అవుతున్నారు. కలెక్షన్స్ బాగున్నాయి. డిఫరెంట్ ఏజ్ గ్రూప్స్ ఆడియెన్స్ థియేటర్స్ కు వెళ్తున్నారు. ఒక థియేటర్ లో కామన్ ఆడియెన్స్ తో కలిసి హీరో చేతన్ సినిమా చూశాడు. వారు మూవీని బాగా ఎంజాయ్ చేయడం గమనించి హ్యాపీగా ఫీలయ్యాడు. సినిమా పూర్తయ్యాక ఆడియెన్స్ చేతన్ ను గుర్తుపట్టి అభినందించారని నిర్మాత రామ్ కుమార్, రైటర్ గోపీ మోహన్ తెలియజేస్తున్నారు.

సోమవారంనాడు ప్రొడ్యూసర్ రామ్ కుమార్ మాట్లాడుతూ, - "ధూం ధాం" సినిమాతో చేతన్ కుటుంబ ప్రేక్షకులకు దగ్గరయ్యాడు. గతంలో తను చేసిన ఫస్ట్ ర్యాంక్ రాజు, రోజులు మారాయి వంటి మూవీస్ యూత్ ఓరియెంటెడ్ గా ఉంటాయి. ఫస్ట్ టైమ్ చేతన్ ఫ్యామిలీ ఎంటర్ టైనర్ సినిమాలో చేశాడు. కమర్షియల్  గా ప్రయత్నించాడు. సక్సెస్ ఫుల్ హీరోలంతా ఫ్యామిలీ ఆడియెన్స్ ను ఇంప్రెస్ చేసిన వాళ్లే. చేతన్ కూడా అలాగే పేరు తెచ్చుకున్నాడు. ఎవరైనా ఫిలింమేకర్స్ ఇలాంటి ఫ్యామిలీ ఎంటర్ టైనర్స్ అనుకుంటే చేతన్ బాగా సెట్ అవుతాడని భావిస్తారు.

- ఈ రోజుల్లో థియేటర్స్ కు జనం పెద్దగా రావడం లేదు. మేము ఆశించినంత కలెక్షన్స్ లేకున్నా సంతృప్తికరంగానే వసూళ్లు ఉన్నాయి. ప్రేక్షకుల్ని ఆకర్షించేలా వీలైనంత ప్రమోషన్ చేస్తున్నాం. మా సంస్థలో నెక్ట్ మూవీని మరికొద్ది రోజుల్లో అనౌన్స్ చేస్తాం. బయట హీరోలతో సినిమాలు చేసే ఉద్దేశం లేదు. చేతన్ తోనే మా నెక్ట్ మూవీ ఉంటుంది.

రైటర్ గోపీ మోహన్ మాట్లాడుతూ, సినిమా ఫస్టాఫ్ లో మంచి పాటలు, సెకండాఫ్ లో కామెడీ ఉండాలని ప్లాన్ చేశాం. మేము అనుకున్నట్లే సాంగ్స్ కు , కామెడీని ఆడియెన్స్ బాగా ఎంజాయ్ చేస్తున్నారు. ఫస్ట్ మూడు రోజులు యూత్ ఎక్కువగా మూవీస్ చూస్తుంటారు. ఈరోజు నుంచి ఫ్యామిలీస్ మా మూవీకి బాగా వస్తారని ఆశిస్తున్నాం.

- అమెరికాలో ఈ మూవీ షూటింగ్ చేయాల్సింది, అయితే వీసాలు రాని కారణంగా పోలెండ్ లో చిత్రీకరణ జరిపాం. సెకండాఫ్ లో ప్యాడింగ్ ఆర్టిస్టులు ఉంటే బాగుంటుందని క్యారెక్టర్స్ కు తగినట్లు తీసుకున్నాం. వెన్నెల కిషోర్ దూకుడు ముందు నుంచీ పరిచయం. అతని పైనే ఈ సినిమా సెకండాఫ్ వెళ్లింది. తన క్యారెక్టర్ కు ఆడియెన్స్ బాగా కనెక్ట్ అవుతున్నారు.

- కొడుకు ప్రేమించే తండ్రి, తండ్రిని బాగా గౌరవించే కొడుకు..ఇది మూల కథ అయితే...ఒక హుక్ పాయింట్ లా ఉంటుందని హీరోయిన్ వల్ల వీరిద్దరి మధ్య దూరం పెరుగుతుందని పృథ్వీ క్యారెక్టర్ తో చెప్పించాం. సినిమా సరదాగా రన్ అవుతున్నా, ఆ క్యారెక్టర్ చెప్పిన పాయింట్ ఒక మంచి ఇంట్రెస్ట్ క్రియేట్ చేసింది. పృథ్వీ క్యారెక్టర్ ని చివరలో తీసుకొస్తే బాగుంటుందని అనుకున్నా...ప్రాక్టికల్ గా కుదరలేదు.

- ప్రొడ్యూసర్ రామ్ కుమార్ గారు, హీరో చేతన్ ఇద్దరూ కామెడీ మూవీ లవర్స్. వాళ్లు ఇప్పటిదాకా చేసింది హాఫ్ బీట్ సినిమాలే అయినా ఎంటర్ టైనింగ్ మూవీస్ ఇష్టపడతారు. "ధూం ధాం" స్క్రిప్ట్ కోసం చాలా డిస్కషన్స్ చేసి వర్క్ వుట్ చేశాం. నేను స్క్రిప్ట్ చేసిన మూవీస్ లో డ్రింకింగ్ సీన్స్ తో మంచి కామెడీ వచ్చింది. అలా ఈ సినిమాలో వెన్నెల కిషోర్ తో మన లెజెండరీ నటుల డైలాగ్స్ తో ఓ సీన్ చేశాం. ఈ సీన్ కు థియేటర్ లో హిలేరియస్ గా రెస్పాన్స్ వస్తోంది.

- నా నెక్ట్ మూవీ గల్లా జయదేవ్ గారి రెండో అబ్బాయితో ప్లాన్ చేస్తున్నా. నా డైరెక్షన్ లోనే ఆ సినిమా చేస్తాను. ఆ వివరాలు త్వరలో వెల్లడిస్తాం అన్నారు.