మలయాళ సూపర్ స్టార్ మోహన్ లాల్ మనీ లాండరింగ్ వ్యవహారంతో చిక్కుల్లో పడ్డారు. మనీ లాండరింగ్ వ్యవహారం కింద ఆయనకు ఈడీ నోటీసులు జారీ చేసినట్టు సమాచారం అందుతోంది. వ‌చ్చే వారం విచార‌ణ‌కు రావాలంటూ ఈడీ అధికారులు ఆయనకు నోటీసులు జారీ చేసినట్టు వార్తలు వస్తున్నాయి. విచార‌ణ కోసం కొచ్చిలోని ఈడీ కార్యాల‌యానికి రావాలంటూ ఆ నోటీసుల్లో పేర్కొన్నట్టు సమాచారం.
కేర‌ళ‌కు చెందిన వ్యాపారి మాన్స‌న్ మాన్క‌ల్‌తో క‌లిసి మోహన్ లాల్ మనీ ల్యాండ‌రింగ్‌కు పాల్ప‌డిన‌ట్టు ఆరోప‌ణ‌లు వెల్లువెత్తుతున్నాయి. ఈ కేసులో మాన్స‌న్‌ను గ‌తేడాది సెప్టెంబ‌ర్‌లోనే కేర‌ళ పోలీసులు అరెస్ట్ చేసిన సంగతి తెలిసిందే. తాజాగా ఈ కేసుపై దృష్టి సారించిన ఈడీ.. మాన్స‌న్‌తో క‌లిసి మోహన్ లాల్ కూడా మనీ ల్యాండ‌రింగ్‌కు పాల్ప‌డిన‌ట్టు భావిస్తోంది.
ఈ విష‌యం నిర్ధార‌ణ కోస‌మే ఆయనకు నోటీసులు జారీ చేసిన‌ట్లు తెలుస్తోంది. మొత్తానికి మోహన్ లాల్కు ఈడీ నోటీసులు పంపించందనే వార్త మాత్రం ఇప్పుడు సోషల్ మీడియాలో తెగ వైరల్ అవుతోంది. మోహన్ లాల్ ప్రస్తుతం బిగ్ బాస్ షోతో పాటు, తన సినిమా షూటింగ్‌లతో బిజీగా ఉన్నాడు.