బాలీవుడ్ స్టార్ హీరో షారూక్ ఖాన్ తనయుడు ఆర్యన్ ఖాన్‌కు బాంబే హైకోర్టు తేరుకోలేని షాకిచ్చింది. గతంలో బెయిల్ సందర్భంగా విధించిన షరతును తొలగించింది. కానీ, దాని స్థానంలో కొత్త షరతు విధించింది.
క్రూయిజ్ షిప్ డ్రగ్స్ పార్టీలో ఆర్యన్ ఖాన్ రెడ్‌హ్యాండెడ్‌గా చిక్కిన విషయం తెల్సిందే. ఈ కేసులో కొంతకాలం జైల్లో ఉన్న ఆర్యన్ ఖాన్‌కు బాంబే హైకోర్టు షరతులతో కూడిన బెయిల్ మంజూరు చేసింది. ఇందులో ప్రతి శుక్రవారం నార్కాటిక్స్ కంట్రోల్ బ్యూరో (ఎన్సీబీ) కార్యాలయానికి వెళ్లి సంతకం చేయాలని ఆదేశించింది. కానీ ఇపుడు ఆ బెయిల్ షరతును కొట్టివేసింది. అయితే, ప్రత్యేక దర్యాప్తు బృందానికి మాత్రం సహకరించాలని, విచారణకు అవసరమైనపుడు పిలిస్తే ఢిల్లీకి వెళ్ళాలనో కొత్త షరతు విధించింది.
ప్రతి శుక్రవారం ఎన్సీబీ ఆఫీసుకు వెళ్లాలన్న షరతును కొట్టివేయాలంటూ ఆర్యన్ ఖాన్ తరపున హైకోర్టులో ఒక పిటిషన్ దాఖలు చేశారు. ఎన్సీబీ ఆఫీసుకు వెళ్లే సమయంలో మీడియా తనను అనుసరిస్తుందని, ఆ సమయంలో పోలీసులను వెంటబెట్టుకుని వెళ్లాల్సిన పరిస్థితి ఏర్పడిందని పేర్కొన్నారు.
దీన్ని విచారణకు స్వీకరించిన కోర్టు... పాత షరుతును కొట్టివేసి.. కొత్త షరతును విధించింది. పైగా, ఈ కేసు విచారణ ప్రస్తుతం ఢిల్లీలోని ప్రత్యేక దర్యాప్తు బృందం విచారణ జరుపుతుందని, అందువల్ల ఇకపై ఎన్సీబీ కార్యాలయానికి వెళ్లాల్సిన పనిలేదని కోర్టు పేర్కొంది.