దిలీప్ అరెస్టుతో అందరిలాగానే నేను కూడా షాకయ్యా.. నేరం చేస్తే శిక్ష తప్పదు: భావన
కిడ్నాప్, లైంగిక వేధింపుల కేసులో మలయాళ స్టార్ హీరో దిలీప్ అరెస్టుతో అందరిలాగానే తాను కూడా షాక్‌కు గురయ్యానని సినీ నటి భావన తెలిపింది. దిలీప్ పేరును ప్రస్తావించకుండా.. పోలీసులు అరెస్ట్ చేసిన హీరోతో తా
కిడ్నాప్, లైంగిక వేధింపుల కేసులో మలయాళ స్టార్ హీరో దిలీప్ అరెస్టుతో అందరిలాగానే తాను కూడా షాక్‌కు గురయ్యానని సినీ నటి భావన తెలిపింది. దిలీప్ పేరును ప్రస్తావించకుండా.. పోలీసులు అరెస్ట్ చేసిన హీరోతో తాను పలు సినిమాల్లో పనిచేశానని గుర్తు చేసుకుంది. ఆయనతో తనకు ఎలాంటి రియల్‌ ఎస్టేట్‌, ఆర్థిక వ్యవహారాలు లేవని తెలిపింది. కొన్ని వ్యక్తిగత సమస్యల కారణంగానే తమ స్నేహబంధం ముగిసిపోయిందని చెప్పుకొచ్చింది.
ఆయన నేరం చేసి వుండకపోతే నిజం తప్పకుండా బయటకొస్తుందని భావన తెలిపింది. అయితే ఈ కేసులో వాస్తవాలు త్వరగా బయటకు రావాలని, దోషులు తప్పించుకోకూడదని పేర్కొంది. అదే సమయంలో అమాయకులు శిక్షకు గురికాకూడదని చెప్పింది. ఫిబ్రవరిలో ఒక మలయాళ నటి లైంగిక దాడి జరిగిందని అనంతరం పోలీసులు ఆమె పేరును వెల్లడించలేదు.
అయితే, ఆమె పేరును సోషల్ మీడియా ద్వారా నటుడు అజు వర్ఘీస్‌ ఉద్దేశపూర్వకంగా వెల్లడించాడు. దీంతో లైంగిక దాడి బాధితురాలి పేరును వెల్లడించిన నేరానికిగాను అతనిపై ఐపీసీ సెక్షన్‌ 228(ఏ) ప్రకారం కేసు నమోదు చేశారు.