కత్తి మహేష్‌పై క్రిమినల్ కేసు... ఎందుకో తెలుసా?

ప్రముఖ సినీ విశ్లేషకుడు కత్తి మహేష్‌పై క్రిమినల్ కేసు నమోదైంది. హైదరాబాద్‌లోని రహ్మత్‌ నగర్‌కు చెందిన గడ్డం శ్రీధర్‌ అనే వ్యక్తి ఇచ్చిన ఫిర్యాదు మేరకు బంజారాహిల్స్ పోలీసులు ఈ తరహా కేసును నమోదు చేశారు.

ప్రముఖ సినీ విశ్లేషకుడు కత్తి మహేష్‌పై క్రిమినల్ కేసు నమోదైంది. హైదరాబాద్‌లోని రహ్మత్‌ నగర్‌కు చెందిన గడ్డం శ్రీధర్‌ అనే వ్యక్తి ఇచ్చిన ఫిర్యాదు మేరకు బంజారాహిల్స్ పోలీసులు ఈ తరహా కేసును నమోదు చేశారు.

గత జూన్ నెల 29వ తేదీన ఓ టీవీ ఛానల్‌లో జరిగిన చర్చలో శ్రీరాముడు, సీతపై మహేశ్‌ అనుచిత వ్యాఖ్యలు చేసిన విషయం తెల్సిందే. ఈ వ్యాఖ్యలనే ఆయన మరోమారు ప్రస్తావిస్తూ ఫిర్యాదుచేశారు. 

ఈ వ్యాఖ్యలు హిందువుల మనోభావాలు దెబ్బతినేలా మహేశ్‌ మాట్లాడినట్లు పోలీసులకు ఫిర్యాదులో పేర్కొన్నాడు. ఈ ఫిర్యాదుపై తొలుత న్యాయ సలహా తీసుకున్న పోలీసులు.. ఐపిసి 295 (ఎ), 505 (2) సెక్షన్ల కింద కేసు నమోదు చేశారు.

కాగా, ఈ వ్యాఖ్యల కారణంగా కత్తి మహేష్‌పై హైదరాబాద్ నగర పోలీసులు ఆర్నెల్ల పాటు నగర బహిష్కరణ చేసిన విషయం తెల్సిందే. దీంతో ఆయనన కొద్ది రోజులుగా తన సొంత జిల్లా చిత్తూరులో ఉంటూ వచ్చారు. ఇటీవలే తన నివాసాన్ని విజయవాడకు మార్చుకున్నారు.