కోలీవుడ్ అజిత్ కుమార్ కొత్త సినిమా తెగింపు విడుదలైన సంగతి తెలిసిందే. ఈ సినిమా విడుదల్లో భాగంగా ఫ్యాన్స్ సాహసాలు చేస్తుంటారు. తాజాగా విడుదల సెలెబ్రేషన్ లలో అపశృతి చోటుచేసుకుంది. ఈ వేడుకల్లో ఓ అభిమాని ప్రాణాలు కోల్పోయాడు. థియేటర్ ముందు లారీపై డ్యాన్స్ లేస్తూ కిందపడి ప్రాణాలు కోల్పోయాడు. ఈ ఘటన తమిళనాడు రాజధాని చెన్నైలో చోటుచేసుకుంది.
వివరాల్లోకి వెళితే.. చెన్నై నగరంలోకి రోహిణి థియేటర్ లో తెగింపు సినిమా అర్థరాత్రి ఒంటి గంటకు స్పెషల్ షో ప్రదర్శించారు. ఆ సమయంలో ఫ్యాన్స్ థియేటర్ ముందు పండగ చేసుకున్నారు. ఈ క్రమంలో అజిత్ అభిమాని భరత్ కుమార్ (19) థియేటర్ మందు హైవేపై నెమ్మదిగా కదులుతున్న ఓ లారీపై డ్యాన్స్ చేస్తున్నాడు.
అలా చేస్తూనే లారీ నుంచి కిందకు దూకాడు. దీంతో అతడి వెన్నెముక తీవ్రంగా దెబ్బతింది. అనంతరం అతడిని ఆస్పత్రికి తరలించారు. కానీ చికిత్స ఫలించక భరత్ ఆస్పత్రిలోనే ప్రాణాలు కోల్పోయాడు. ఈ ఘటనపై పోలీసులు కేసు నమోదు చేసుకుని దర్యాప్తు జరుపుతున్నారు.