సూపర్ స్టార్ క్రిష్ణ జయంతి సందర్భంగా ఆయన్ను గురించి సినిమాలో ప్రముఖులు తలచుకున్నారు. రాజకీయనాయకులైన చంద్రబాబు కూడా సోషల్ మీడియాలో ఆయనతో వున్న సందర్భాన్ని గుర్తుచేస్తూ ఫొటో కూడా పెట్టారు. నటుడిగా, నిర్మాతగా, దర్శకుడిగా ఎన్నో విజయవంతమైన చిత్రాలను ప్రేక్షకులకు అందించి... సినీ ప్రియుల అభిమానాన్ని చూరగొన్న తెలుగు సినీ కథానాయకుడు, సాహస నిర్మాత కృష్ణ గారి జయంతి సందర్భంగా ఆయన సినీరంగానికి, కళామతల్లికి చేసిన సేవలను స్మరించుకుంటూ నివాళి అర్పిస్తున్నాను అని చంద్రబాబు ప్రకటించారు.
క్రిష్ణ నిజంగా దేవుడు: మురళీమోహన్
తనతో తీసిన నిర్మాత దెబ్బతింటే మళ్ళీ పిలిపించి.. మరో సినిమా అవకాశం ఇచ్చేవారు. నిర్మాత తన దగ్గర డబ్బులు లేవంటే.. క్ఱిష్ణగారే ఓపెనింగ్ చేయించేవాడు. రిలీజ్ వరకు ఆ నిర్మాతకు సహకరించేవాడు. అలా చాలా మందికి ఇచ్చి నష్టపోయిన సందర్భాలున్నాయి. ఆయన షూటింగ్ కు వెళితే డబ్బులిస్తేనే వస్తానని ఎప్పుడూ అనలేదు. అలాంటి గౌరవప్రదమైన దేవుడు అని మురళీమోహన్ గుర్తు చేసుకున్నారు.