చిరంజీవితో స్టెప్పులేయనున్న బన్నీ హీరోయిన్ కేథరిన్.. మాస్ మసాలా సాంగ్‌లో?

ఇద్దరమ్మాయిలతో సినిమాతో టాలీవుడ్ తెరంగేట్రం చేసిన కేథరిన్ థ్రెసాకు బంపర్ ఆఫర్ వచ్చింది. కేథరిన్ గత అవకాశాల సంగతులు ఎలా వున్నా.. ఇప్పుడు ఏకంగా ఈ దుబాయ్ భామకి చిరంజీవితో స్టెప్పులు వేసే ఛాన్సొచ్చింది. చ

ఇద్దరమ్మాయిలతో సినిమాతో టాలీవుడ్ తెరంగేట్రం చేసిన కేథరిన్ థ్రెసాకు బంపర్ ఆఫర్ వచ్చింది. కేథరిన్ గత అవకాశాల సంగతులు ఎలా వున్నా.. ఇప్పుడు ఏకంగా ఈ దుబాయ్ భామకి చిరంజీవితో స్టెప్పులు వేసే ఛాన్సొచ్చింది. చిరు 150వ సినిమా 'ఖైదీ నెంబర్ 150'లో ఓ మాస్ మసాలా సాంగ్ ఉంది. ఈ పాట కోసం క్రేజ్ ఉన్న హీరోయిన్‌ను తీసుకోవాలని భావించిన యూనిట్ సభ్యులకి తమన్నా మొదటి ఆప్షన్‌గా కనిపించింది.

కానీ ప్రస్తుతం తమన్నా బిజీగా ఉండడం వలన ఈ స్పెషల్ సాంగ్ కోసం డేట్స్ అడ్జస్ట్ చేయలేకపోతోంది. దీంతో కేథరిన్ థ్రెసాను ఈ పాట కోసం ఎంపిక చేసినట్లు సమాచారం. ఈ పాటలో చిరంజీవి తన గత చిత్రాల మాదిరిగా అదిరిపోయే స్టెప్పులేస్తున్నాడు. ఈ పాటే సినిమాకు హైలైట్ కానుందని తెలిసింది. ఇద్దమ్మాయిలు చిత్రంతో తెలుగు తెరకు పరిచయమయిన కేథరిన్ ఆ తర్వాత రుద్రమదేవి, సరైనోడు వంటి చిత్రాలతో ప్రేక్షకులను మెప్పించిన సంగతి తెలిసిందే. 

ఈ పాటకు సంగీత దర్శకుడు దేవిశ్రీ ప్రసాద్ మంచి బీట్ తో మాస్ ట్యూన్‌ను చేస్తున్నాడు. వీవీ వినాయక్ దర్శకత్వంలో రామ్ చరణ్ నిర్మిస్తున్న ఈ చిత్రం షూటింగ్ ప్రస్తుతం హైదరాబాదులో కొనసాగుతోంది. ఇందులో చిరంజీవి సరసన కాజల్ అగర్వాల్ కథానాయికగా నటిస్తోంది.