నటి షకీలా కన్నుమూత...?

నటి షకీలా ఇకలేరు. ఈమె బుధవారం రాత్రి కన్నుమూసింది. షకీలా అంటే.. మలయాళ శృంగార నటి కాదండోయ్... బాలీవుడ్ సీనియర్ నటి షకీలా. ఈమె వయసు 82 యేళ్లు. ‘ఆర్‌ పార్‌’, ‘సీఐడీ’ వంటి విజయవంతమైన చిత్రాల్లో ఆమె నటించా

నటి షకీలా ఇకలేరు. ఈమె బుధవారం రాత్రి కన్నుమూసింది. షకీలా అంటే.. మలయాళ శృంగార నటి కాదండోయ్... బాలీవుడ్ సీనియర్ నటి షకీలా. ఈమె వయసు 82 యేళ్లు. ‘ఆర్‌ పార్‌’, ‘సీఐడీ’ వంటి విజయవంతమైన చిత్రాల్లో ఆమె నటించారు. షకీలా మరణ వార్తను ఆమె బంధువు నాసిర్‌ ఖాన్‌ ఫేస్‌బుక్‌ వేదికగా పంచుకున్నారు. 

‘ఎంతో బరువైన హృదయంతో ఈ విషయాన్ని మీతో పంచుకుంటున్నా. మా పెద్దమ్మ షకీలా కన్నుమూశారు. 1950, 60ల్లో ఆమె ఓ గొప్ప నటిగా, స్టార్‌గా వెలుగొందారు. ‘బాబుజీ ధీరే చల్నా’, ప్యార్‌ మే జరా సంభాల్నా’ అందరికీ గుర్తుండిపోతాయి. ఆమె ఆత్మకు శాంతి కలగాలని ప్రార్థించండి. అంటూ ఆ సందేశంలో పేర్కొన్నారు. 

షకీలా ‘శ్రీమాన్‌ సత్యవాది’, ‘చైనా టౌన్‌’, ‘పోస్ట్‌బాక్స్‌ 999’, ‘దస్తాన్‌’, ‘సింధ్‌బాద్‌ ద సెయిలర్‌’, ‘రాజ్‌రాణి దమయంతి’, ‘ఆఘోష్‌’, ‘రాజ్‌మహల్‌’, ‘అలీబాబా ఔర్‌ చాలీస్‌ చోర్‌’, ‘షెహన్‌షా’ వంటి విజయవంతమైన చిత్రాల్లో నటించి, మెప్పించారు. ఆమె చివరిగా 1963లో ‘ఉస్తాదన్‌ కి ఉస్తాద్‌’ చిత్రంలో నటించారు. కాగా ఈమె అంత్యక్రియలు గురువారం పూర్తి చేశారు.