తెలుగులో సినిమా తీసేందుకు రెడీ అవుతున్న బిచ్చగాడు దర్శకుడు..!
బిచ్చగాడు సినిమా ప్రభంజనం సృష్టించిన దర్శకుడు శశి తెలుగులో సినిమా చేసేందుకు సన్నాహాలు చేస్తున్నాడు. ఇటీవలే ఓ యంగ్ హీరోకు కథ చెప్పినట్లు ఫిలిమ్ నగర్ వర్గాల్లో జోరుగా ప్రచారం సాగుతోంది. త్వరలోనే ఈ సినిమ
బిచ్చగాడు సినిమా ప్రభంజనం సృష్టించిన దర్శకుడు శశి తెలుగులో సినిమా చేసేందుకు సన్నాహాలు చేస్తున్నాడు. ఇటీవలే ఓ యంగ్ హీరోకు కథ చెప్పినట్లు ఫిలిమ్ నగర్ వర్గాల్లో జోరుగా ప్రచారం సాగుతోంది. త్వరలోనే ఈ సినిమా పట్టాలెక్కడం ఖాయమని తెలుస్తోంది. బిచ్చగాడు చిత్రం తమిళంలో కంటే తెలుగులోనే పెద్ద హిట్ అయ్యింది. కేవలం 30 లక్షల పెట్టుబడితో రూ.20 కోట్లకు పైగా లాభాలను ఆర్జించి పెట్టింది. బిచ్చగాడు సినిమాతో విజయ్ ఆంటోనీకి మంచి మార్కెట్ ఏర్పడింది. దీంతో తెలుగులో సినిమా చేయాలనే ఆలోచనకు వచ్చాడు... శశి.
కాగా శశి 1998లో సొల్లామలే అనే చిత్రం ద్వారా కోలీవుడ్‌కు ఎంట్రీ ఇచ్చాడు. దాదాపు 7 సినిమాలకు దర్శకత్వం వహించాడు. తెలుగులో వెంకటేష్ నటించిన శీను సినిమాకు కూడా దర్శకత్వ పగ్గాలు చేపట్టాడు. అయితే బిచ్చగాడు సినిమానే శశికి మంచి గుర్తింపు సంపాదించిపెట్టింది. టాలీవుడ్‌లో మాత్రం రూ.25 కోట్లకు పైగా వసూళ్లను కొల్లగొట్టిన సంగతి తెలిసిందే.