మనోజ్ పాండే రేప్ చేశాడు.. అవకాశాలిస్తానని లొంగదీసుకుని..?

మాలీవుడ్‌లో ఓ నటి కిడ్నాప్ ఘటనను మరిచిపోకముందే.. భోజ్‌పురి ఫిల్మ్ ఇండస్ట్రీలో నటిపై అత్యాచారం కేసు కలకలం రేపుతోంది. నటుడు తనను రేప్ చేశాడంటూ ఓ నటి పోలీసులకు ఫిర్యాదు చేయడంతో నిజం వెలుగులోకి వచ్చింది.

మాలీవుడ్‌లో ఓ నటి కిడ్నాప్ ఘటనను మరిచిపోకముందే.. భోజ్‌పురి ఫిల్మ్ ఇండస్ట్రీలో నటిపై అత్యాచారం కేసు కలకలం రేపుతోంది. నటుడు తనను రేప్ చేశాడంటూ ఓ నటి పోలీసులకు ఫిర్యాదు చేయడంతో నిజం వెలుగులోకి వచ్చింది. వివరాల్లోకి వెళితే.. భోజ్‌పురి చిత్రపరిశ్రమలో పేరున్న మనోజ్ పాండే అనే నటుడు తనపై అత్యాచారానికి పాల్పడ్డాడని ఓ నటి తన ఫిర్యాదులు వెల్లడించింది. 

అవకాశాలిస్తానని లొంగదీసుకుని తనపై అత్యాచారానికి పాల్పడ్డాడని ఫిర్యాదులో ఆరోపించింది. తనలాగానే అవకాశాల కోసం ఎదురుచూసే వర్ధమాన నటీమణుల ముందు తానో పెద్ద స్టార్ అని ఫోజిలిచ్చేవాడని బాధితురాలు తెలిపింది. ఆపై వారితో స్నేహం ఏర్పరుచుకుని అత్యాచారానికి పాల్పడటం మనోజ్ పాండే పని అంటూ ఫిర్యాదులో బాధిత నటి పేర్కొంది. 

ఇలా చాలామంది అమ్మాయిలను మనోజ్ పాండే మోసం చేశాడని.. ముంబైలోని చార్ కోప్ పోలీసులకు బాధితురాలు ఫిర్యాదు చేసింది. ఈ ఘటనపై పోలీసులు కేసు నమోదు చేసుకుని దర్యాప్తు జరుపుతున్నారు. మనోజ్ పాండేని పోలీసులు అరెస్ట్ చేశారు.