"భీమ్లా నాయక్" మూవీకి థమన్ ఇచ్చిన ఫస్ట్ రివ్యూ రిపోర్టు

పవర్ స్టార్ పవన్ కళ్యాణ్ నటించిన చిత్రం "భీమ్లా నాయక్". దగ్గుబాటి రానా విలన్ పాత్రలో కనిపిస్తున్నారు. మాటల మాంత్రికుడు త్రివిక్రమ్ శ్రీనివాస్ మాటలు అందించిన ఈ చిత్రానికి సాగర్ చంద్ర దర్శకత్వం వహించారు. సంక్రాంతి కానుకగా జనవరి 12వ తేదీన విడుదల కావాల్సివుంది. కానీ, అనివార్య కారణాల రీత్యా వాయిదాపడింది. ఈ చిత్రం మలయాళంలో సూపర్ హిట్ అయిన "అయ్యప్పనుమ్ కోషియం" చిత్రానికి రీమేక్. ఇప్పటికే ఈ చిత్రంలోని పాటలన్నీ ఓ సెన్సేషన్ క్రియేట్ చేయగా వచ్చే నెల 25వ తేదీన ప్రేక్షకుల ముందుకురానుంది. ఎస్ఎస్.థమన్ సంగీతం సమకూర్చారు. 

ఇదిలావుంటే, దర్శకుడు త్రివిక్రమ్ శ్రీనివాస్‌తో కలిసి థమన్ ఈ చిత్రాన్ని ప్రత్యేకంగా వీక్షించినట్టు సమాచారం. ఆ తర్వాత థమన్ మాట్లాడుతూ, ఈ మూవీ బాక్సాఫీస్ వద్ద సెన్సేషన్ క్రియేట్ చేయడం ఖాయం. పవన్ ఆవేశపూరిత నట, భీమ్లా నాయక్‌ రోల్ ఆయన కెరీర్‌లోనే ది బెస్ట్‌ మూవీగా నిలుస్తుందని చెప్పారు. పవన్ తన నటనతో చంపేశాడని తెలిపారు. ఈ సినిమా పవన్ కెరీర్‌లో అతిపెద్ద విజయవంతమైన చిత్రంగా నిలుస్తుందని వెల్లడించారు.