Betting: అల్లాణి శ్రీధర్ దర్శకత్వంలో బెట్టింగ్ చిత్రం

Allani Sridhar

సామాజిక అంశాలపై రూపొందిన ఆలోచనత్మక సినిమాలను-నాటి "ప్రతిఘటన" నుండి  నేటి  "బలగం" "కోర్ట్ " వంటి చిత్రాలను,గుండెల్లో పెట్టుకున్నారు.ఆ సినిమాలను విజయవంతం చేసి చరిత్రను తిరగరాశారు. ఈ నేపథ్యంలో... ప్రస్తుతం సమాజాన్ని పట్టిపీడిస్తున్న తీవ్రమైన సమస్య – బెట్టింగ్ యాప్‌ల వ్యసనం. పల్లె, పట్టణం అనే తేడా లేకుండా యువత, ఉద్యోగులు, నిరుద్యోగులు, మధ్యతరగతి వారు , ఆడపడుచులు సైతం ఈ మాయ వ్యసనానికి 'లోన్ 'అవుతున్నారు, బలవుతున్నారు. 

ఆస్తులు, ఆత్మవిశ్వాసం, కుటుంబ బంధాలు – అన్నీ నాశనమవుతున్నాయి. అప్పుల ఊబిలో కొందరు జీవితాన్ని కోల్పోయే దాకా వెళ్తున్నారు. ఈ ఆవేదనను , సమస్యను పరిష్కారాన్ని కూడా వెండితెరపై చూపుతూ, అందరికీ అవగాహన కలిగించే లక్ష్యంతో "బెట్టింగ్" అనే సామాజిక ప్రయోజనాత్మక చిత్రం రూపొందుతోంది.

ఈ చిత్రానికి కథ, స్క్రీన్‌ప్లే, దర్శకత్వం వహిస్తున్నది అల్లాణి శ్రీధర్ . గతంలో "కొమరం భీమ్", "రగులుతున్న భారతం" వంటి చిత్రాలకు ఉత్తమ నిర్మాత, ఉత్తమ స్క్రీన్ ప్లే రచయిత మరియు ఉత్తమ దర్శకుడిగా రాష్ట్రప్రభుత్వ అవార్డులు పొందిన రచయిత దర్శకుడు.

 శతాధిక చిత్రాల విజయవంతమైన  నిర్మాత శ్రీ తుమ్మలపల్లి రామ సత్యనారాయణ ఈ ప్రతిష్టాత్మక చిత్రాన్ని నిర్మిస్తున్నారు.

ప్రముఖ నిర్మాత, సౌత్ ఇండియా సినీ లెజెండ్ శ్రీ సి.కల్యాణ్ ఈ సినిమాకు సమర్పకుడిగా వ్యవహరిస్తూ విలువైన సూచనలతో మార్గ నిర్దేశనం  చేస్తున్నారు.

ఉగాది పర్వదినం రోజున పూజా కార్యక్రమంతో ఈ చిత్రం నిర్మాణం ప్రారంభం కానుంది.

ప్రముఖ సాంకేతిక నిపుణులు, తెలుగు సినీ పరిశ్రమలో నూతన మరియు అనుభవజ్ఞులైన నటీనటులతో ఈ చిత్రం రూపొందనుంది.

భావోద్వేగాలతో నిండిన కుటుంబ నేపథ్యం, ఆత్మవిమర్శను కలిగించే ప్రేమకథ, సమాజానికి ఆయుధంగా నిలిచే సందేశం – ఇవన్నీ ఈ చిత్రానికి పంచప్రాణాలు.

ఒకే షెడ్యూల్‌లో చిత్రీకరణ పూర్తిచేసి, త్వరలో ప్రేక్షకుల ముందుకు తీసుకురావడానికి మేము సిద్ధమవుతున్నాము.ఈ చిత్రం ఒక వినోదాత్మక ప్రయత్నమే కాదు…ఇది ఒక జాగృతం – ఒక ప్రజా చైతన్యానికి శంఖారావం గా నిలుస్తుందని దర్శకుడు తెలియజేస్తున్నారు.