ప్రభాస్ 'రాజు'... కులగజ్జి, మోహన్ బాబు కామెంట్లపై దుమారం...

తెలుగు చలనచిత్ర పరిశ్రమకే కాదు యావత్భారతావని చిత్ర పరిశ్రమ స్టామినా చూపిస్తున్న బాహుబలి చిత్రంలో టైటిల్ రోల్ పోషించిన ప్రభాస్‌కు కులగజ్జి అంటించే పని జరుగుతోందని దుమారం చెలరేగుతోంది. బాహుబలి చిత్రం విడుదలకు ముందంతా ప్రభాస్ అని సంబోధించినవారు తాజాగా ప

తెలుగు చలనచిత్ర పరిశ్రమకే కాదు యావత్భారతావని చిత్ర పరిశ్రమ స్టామినా చూపిస్తున్న బాహుబలి చిత్రంలో టైటిల్ రోల్ పోషించిన ప్రభాస్‌కు కులగజ్జి అంటించే పని జరుగుతోందని దుమారం చెలరేగుతోంది. బాహుబలి చిత్రం విడుదలకు ముందంతా ప్రభాస్ అని సంబోధించినవారు తాజాగా ప్రభాస్ 'రాజు' అని వ్యాఖ్యానించడం వివాదాస్పదంగా మారింది. అసలు హీరోలకు కులం కార్డుతో సంబంధం లేదని గతంలో ఎన్టీఆర్, ఏఎన్నార్, ఎస్వీఆర్ తదితర మహానటులు నిరూపించారు కూడా. 

నటులకు కులం లేదని, తమదంతా కళాకారుల కులం అని ఎన్నోమార్లు చెప్పుకున్నారు. ఐతే ఇప్పుడు కొత్తగా ప్రభాస్‌ను ప్రభాస్ రాజు అని ప్రత్యేకంగా చెప్పడం వివాదాస్పదంగా మారింది. బాహుబలి చిత్రాన్ని పొగుడుతూ కలెక్షన్ కింగ్... దేశాన్ని ఒకప్పుడు రాజులు ఏలేవారనీ, ఇప్పుడు ఇండియన్ సినీ ప్రపంచాన్ని ప్రభాస్ రాజు ఏలేస్తున్నాడని అన్నారు. 

ఐతే మోహన్ బాబు వ్యాఖ్యలు ప్రత్యేకించి కులాన్ని పట్టి చూపించేది కాదనీ, కేవలం ఆయన ప్రభాస్ నటన గురించి, ఇండియన్ సినీ ఇండస్ట్రీని బాహుబలి కింగ్‌లా ప్రపంచం ముందు నిలబడేట్లు చేసిందని చెప్పేందుకే ఈ కామెంట్లు చేశారని అర్థం చేసుకోవాలంటున్నారు. సహజమే... ఓ సక్సెస్ వచ్చినప్పుడు అన్ని కోణాల నుంచి పొగడ్తలు వచ్చిపడుతుంటాయి. ఆ పొగడ్తల్లోకి మరీ లోతుగా చూసి జల్లెడపడితే తేడాగా ఉందే... అనిపించేవారికి అనిపించవచ్చు. కానీ అది పొగడ్తగా మాత్రమే తీసుకుంటే అంతవరకే వుంటుంది.