ప్రభాస్ లేకుంటే 'బాహుబలి' లేదు.. ప్రాజెక్టు కన్నా నేనేమీ గొప్ప వ్యక్తి కాను : రాజమౌళి

టాలీవుడ్ హీరో ప్రభాస్ లేకుంటే బాహుబలి చిత్రం లేదనీ దర్శక ధీరుడు ఎస్ఎస్.రాజమౌళి అన్నారు. అలాగే, ఈ ప్రాజెక్టు కన్నా తానేమీ గొప్ప వ్యక్తిని కాదని ఆయన వినమ్రయంగా చెప్పుకొచ్చాడు. ఈ చిత్రం ప్రమోషన్‌లో భాగంగ

టాలీవుడ్ హీరో ప్రభాస్ లేకుంటే బాహుబలి చిత్రం లేదనీ దర్శక ధీరుడు ఎస్ఎస్.రాజమౌళి అన్నారు. అలాగే, ఈ ప్రాజెక్టు కన్నా తానేమీ గొప్ప వ్యక్తిని కాదని ఆయన వినమ్రయంగా చెప్పుకొచ్చాడు. ఈ చిత్రం ప్రమోషన్‌లో భాగంగా ముంబైలో జరిగిన కార్యక్రమంలో రాజమౌళితో పాటు..  చిత్రంలో ప్రధాన పాత్రల్లో నటించిన నటీనటులంతా పాల్గొన్నారు. 

ఈ సందర్భంగా రాజమౌళి మాట్లాడుతూ... తొలి భాగం తెరకెక్కించే సమయంలోనూ, విడుదలైన సందర్భంలోనూ చాలా చాలా భయం వేసింది. కానీ రెండో భాగంలో విషయంలో చాలా నమ్మకంగా ఉన్నాం. ఈ రెండేళ్లలో ‘బాహుబలి’కి విశేష ప్రజాదరణ లభించడమే అందుకు కారణం. ఎవరూ నిరుత్సాహానికి గురికారు. ప్రతీ ఒక్కరికీ ఆ ప్రశ్నకు సమాధానం కావాలన్నారు. 

ముఖ్యంగా.. ఈ సినిమా కోసం ప్రభాస్‌ కనబరిచిన అంకితభావాన్ని నిజంగా మెచ్చుకోవాలి. ఇదే అతడ్ని చిత్ర పరిశ్రమలో టాప్‌ హీరోగా నిలబెడుతుంది. ప్రభాస్‌ వల్లే ‘బాహుబలి’ సాధ్యమైంది. మొత్తం మూడున్నరేళ్లు ఈ సినిమా కోసం కేటాయించాడు. అతను లేకుండా ఈ చిత్రం పూర్తి కాదు. ఈ చిత్రమే లేదన్నారు. 

అలాగే, నా కన్నా కూడా బాహుబలి సినిమా చాలా ఎక్కువ, సినిమా కన్నా బాహుబలి ప్రాంచైజీ ఇంకా పెద్దది. మేమిద్దరం ‘బాహుబలి’ అని భారీ నావలో ప్రయాణిస్తున్నాం. ఈ ప్రాజెక్టు కన్నా నేనేమీ గొప్ప వ్యక్తి కాను అని రాజమౌళి చెప్పుకొచ్చారు.