'బాహుబలి ది బిగినెంగ్' చిత్రం రికార్డులు సృష్టిస్తోంది. ఈ చిత్రం విడుదలై 24 రోజులైంది. ఈ 24 రోజుల్లో బాహుబలి ఆంధ్రప్రదేశ్, తెలంగాణ రాష్ట్రాల్లో రూ. 100 కోట్లు వసూలు చేసి ఇంకా విజయవంతంగా ప్రదర్శించబడుతూనే ఉంది. ఇకపోతే హిందీలో డబ్బింగ్ చిత్రాలు నెలకొల్పిన రికార్డులను తుడిచేసింది బాహుబలి.
మొత్తం 24 రోజుల్లో అక్కడ కూడా రూ. 100 కోట్లు రాబట్టి ఇంకా కలెక్షన్లను రాబడుతూనే ఉంది. ఒక్కసారి బాలీవుడ్ వసూళ్లను చూస్తే... తొలి వారం రూ. 46.80 కోట్లు వసూలు చేయగా, రెండో వారాలకి అది రూ. 73 కోట్లుగా ఉంది. ఇక మూడవ వారంలో రూ. 95 కోట్లకు చేరుకుంది. నాలుగవ వారం.. 24 రోజులకు మొత్తం రూ 103 కోట్లు వసూలు చేసి ఇంకా దూసుకెళుతూనే ఉంది. ఒక దక్షిణాది చిత్రం బాలీవుడ్ సినీ పరిశ్రమలో ఇంతటిస్థాయిలో వసూళ్లను రాబట్టడం ఇదే ప్రధమం.