ఆ సీన్‌కు పవన్ కళ్యాణ్ స్ఫూర్తి.. 'బాహుబలి' స్టోరీ రైటర్ విజయేంద్ర ప్రసాద్

ఈనెల 28వ తేదీన విడుదలైన 'బాహుబలి' చిత్రం ప్రపంచ వ్యాప్తంగా ప్రభంజనం సృష్టిస్తోంది. ఒకవైపు అభిమానుల నీరాజనాలు అందుకుంటూనే.. మరోవైపు కలెక్షన్ల వర్షం కురిపిస్తోంది. ఈ చిత్రం విజయంతో పాటు.. పలు సన్నివేశాల

ఈనెల 28వ తేదీన విడుదలైన 'బాహుబలి' చిత్రం ప్రపంచ వ్యాప్తంగా ప్రభంజనం సృష్టిస్తోంది. ఒకవైపు అభిమానుల నీరాజనాలు అందుకుంటూనే.. మరోవైపు కలెక్షన్ల వర్షం కురిపిస్తోంది. ఈ చిత్రం విజయంతో పాటు.. పలు సన్నివేశాలపై చిత్ర కథా రచయిత విజయేంద్ర ప్రసాద్ ఆసక్తికర వ్యాఖ్యలు చేశారు. 

ఈ సినిమా విశ్రాంతి ముందు వచ్చే సన్నివేశానికి హీరో పవర్‌స్టార్ పవన్ కల్యాణ్ తనకు స్ఫూర్తి అని వెల్లడించడం ఇపుడు ఆసక్తికరంగా మారింది. ముఖ్యంగా భళ్లాల దేవుడికి పట్టాభిషేకం జరిగినా, అతను తృప్తిగా ఉండలేడని, బాహుబలికే ప్రజామద్దతు ఉందని, అతనికే ప్రజలు నీరాజనాలు పలుకుతుంటారని, ఓ కాన్సెప్ట్‌ను అనుకున్నామని, ఇక దీన్ని తెరపైకి ఎలా ఎక్కించాలా అని మథనపడుతూ వచ్చాం. ఓ రోజున అనుకోకుండా టీవీ ఆన్ చేస్తే.. ఓ ఆడియో ఫంక్షన్ కార్యక్రమంలో లైవ్ వస్తోంది. 

ఆ ఫంక్షన్‌లో పవన్ కల్యాణ్ లేడని, కానీ పవన్ పేరు వినిపించినప్పుడల్లా, అభిమానులు వెర్రిగా ఊగిపోతూ, ఆపై ఐదు నిమిషాల పాటు ఎవరు ఏమి మాట్లాడినా వినిపించలేదని చెప్పాడు. వేదికపై ఉన్న హీరోలంతా అసూయపడే ఆ పరిస్థితిని చూసి, ఇదేదో బాగుందని, వెంటనే విశ్రాంతి సన్నివేశాన్ని రాసుకున్నానని, ఆ విధంగా ఇంటర్వెల్ సీన్‌కు పవన్ కల్యాణ్ స్ఫూర్తి అని విజయేంద్ర ప్రసాద్ చెప్పుకొచ్చారు.