"దంగల్" రికార్డును బ్రేక్ చేసిన బాహుబలి: విడుదలైన తొలిరోజే?
చైనాలో బాలీవుడ్ హీరో అమీర్ ఖాన్ 'దంగల్' రికార్డును బాహుబలి-2 అధిగమించింది. బాహుబలి: ది కన్‌క్లూజన్‌ సినిమా విడుదలై ఏడాది గడిచినా.. ఆ సినిమా రికార్డుల పంట పండిస్తూనే వుంది. జక్కన్న రాజమౌళి దర్శకత్వంలో
చైనాలో బాలీవుడ్ హీరో అమీర్ ఖాన్ 'దంగల్' రికార్డును బాహుబలి-2 అధిగమించింది. బాహుబలి: ది కన్‌క్లూజన్‌ సినిమా విడుదలై ఏడాది గడిచినా.. ఆ సినిమా రికార్డుల పంట పండిస్తూనే వుంది. జక్కన్న రాజమౌళి దర్శకత్వంలో ప్రభాస్‌ నటించిన ఈ చిత్రం 2017లో విడుదలై.. బాక్సాఫీస్‌ వద్ద రూ.1,700కోట్లకు పైగా వసూలు చేసింది.
ప్రపంచ వ్యాప్తంగా యమా క్రేజ్‌ను సంపాదించుకున్న ఈ చిత్రం.. జాతీయ అవార్డులను కూడా సొంతం చేసుకుంది. ఇటీవల చైనాలో కూడా భారతీయ చిత్రాలకు విశేష ఆదరణ లభిస్తున్న తరుణంలో ''బాహుబలి-2''ను భారీస్థాయిలో మే 4 (శుక్రవారం) విడుదల చేశారు. విడుదలైన తొలిరోజే ఈ చిత్రం రికార్డు నెలకొల్పింది. తొలిరోజే 2.85 మిలియన్ డాలర్లు (సుమారు రూ.19కోట్లు) వసూలు చేసింది.
అంతేకాకుండా అమీర్ ఖాన్ నటించిన ''దంగల్''ను బాహుబలి-2 అధిగమించింది. దంగల్ చిత్రం 2.49మిలియన్ డాలర్ల ఓపెనింగ్‌ను మాత్రమే సాధించగా, బాహుబలి 2.85 మిలియన్ డాలర్లు రాబట్టింది. బాహుబలి: ది కన్‌క్లూజన్‌‌లో ప్రభాస్‌, రానా, అనుష్క, తమన్నా, సత్యరాజ్‌, రమ్యకృష్ణ తదితరులు కీలక పాత్రలు పోషించారు. కీరవాణి సంగీతం అందించారు. తాజాగా 65వ జాతీయ చలనచిత్ర అవార్డుల్లో ఉత్తమ యాక్షన్‌, ఉత్తమ విజువల్‌ ఎఫెక్ట్స్‌, ఉత్తమ ప్రజాదరణ పొందిన చిత్రంగా అవార్డులను గెలుచుకున్న సంగతి తెలిసిందే.