'బాహుబలి 2' న్యూ రికార్డు... : వరల్డ్ వైడ్‌గా 9 వేల స్క్రీన్లపై రిలీజ్

దర్శకధీరుడు ఎస్ఎస్ రాజమౌళి తెరకెక్కించిన చిత్రం 'బాహుబలి-2' సరికొత్త రికార్డును క్రియేట్ చేయనుంది. ఈ చిత్రం ఈనెల 28వ తేదీన ప్రపంచ వ్యాప్తంగా విడుదల కానుంది. తెలుగు, తమిళం, హిందీ, మలయాళం, కన్నడ భాషల్లో

దర్శకధీరుడు ఎస్ఎస్ రాజమౌళి తెరకెక్కించిన చిత్రం 'బాహుబలి-2' సరికొత్త రికార్డును క్రియేట్ చేయనుంది. ఈ చిత్రం ఈనెల 28వ తేదీన ప్రపంచ వ్యాప్తంగా విడుదల కానుంది. తెలుగు, తమిళం, హిందీ, మలయాళం, కన్నడ భాషల్లో ఈ చిత్రం విడుదల చేయనున్నారు. ప్రపంచ వ్యాప్తంగా మొత్తం 9 వేల స్క్రీన్స్‌పై రిలీజ్ చేసేందుకు దర్శకనిర్మాతలు ప్లాన్ చేశారు. 

అలాగే, కర్ణాటకలో కూడా ఈ చిత్రం విడుదలకు అడ్డంకులు తీరిపోయాయి. దీంతో దేశవ్యాప్తంగా మొత్తం 6500 స్క్రీన్లలో రిలీజ్ కానుంది. ఓవర్సీస్‌ మార్కెట్‌ అయిన్ అమెరికాలో 1100 స్క్రీన్లు, కెనడాలో 150 స్క్రీన్లలో విడుదల కానుంది. ఈ దేశాలతో పాటు న్యూజీలాండ్, ఆస్ట్రేలియా, ఫిజీ, యూకే, మలేషియా తదితర దేశాల్లో కూడా బాహుబలి చిత్రం రిలీజ్ చేయనున్నారు. ఇలా ప్రపంచ వ్యాప్తంగా మొత్తం 9 వేలకు పైగా వెండితరలపై ప్రదర్శితం కానుంది. భారత చలన చిత్ర పరిశ్రమలో ఈ తరహాలో ఒక చిత్రం విడుదల కావడం ఇదే తొలిసారి కావడం గమనార్హం.