కోలీవుడ్ స్టార్ హీరో విజయ్, హాట్ బ్యూటీ పూజ హెగ్డే జంటగా నెల్సన్ దిలీప్ కుమార్ దర్శకత్వంలో బీస్ట్ సినిమా తెరకెక్కుతుంది. ఈ సినిమా సమ్మర్ కానుకగా రిలీజ్ కానుంది. ఇప్పటికే ఈ సినిమా నుంచి రిలీజైన పోస్టర్స్ ప్రేక్షకులను విపరీతంగా ఆకట్టుకున్నాయి.
ఇక ఈ పోస్టర్స్‌తో పాటు ఇటీవల బెస్ట్ ఫస్ట్ సింగిల్ అరబిక్ కుత్తు ప్రోమో సంచలనం సృష్టించింది. తాజాగా వాలెంటైన్స్ డే సందర్భంగా ఈ సాంగ్ లిరికల్ వీడియోను మేకర్స్ రిలీజ్ చేశారు. ఈ సాంగ్ లిరిక్స్‌ని హీరో శివకార్తికేయన్ అందించడం విశేషం.
అరబిక్ స్టైల్లో సాంగ్ మొత్తం చాలా స్టైల్‌గా ఉంది. పూజా అందాల గురించి అస్సలు చెప్పక్కర్లేదు. విజయ్‌కి తగ్గట్టు అమ్మడి అందచందాలతో స్టన్నింగ్ లుక్‌తో పిచ్చెక్కించేసింది. ఇక అనిరుధ్ వాయిస్, జానీ మాస్టర్ స్టెప్పులతో సాంగ్ హై వోల్టేజ్ తెప్పిస్తుంది.
ఇక మొత్తం అరబిక్ పదాలే కాకుండా అక్కడక్కడా తమిళ్ పదాలను రైమింగ్‌లో వాడారు. ప్రస్తుతం ఈ సాంగ్ నెట్టింట వైరల్‌గా మారింది.