స్వీటీ నిశ్శబ్ధం.. మళ్లీ లేడీ ఓరియెంటెడ్‌ సినిమాకు సైన్

స్వీటీ ఇండస్ట్రీలోకి వచ్చి 15 సంవత్సరాలు గడిచాయి. తెలుగులో ఎక్కువ కాలం హీరోయిన్ స్థానాన్ని నిలబెట్టుకున్న నటీమణుల్లో అనుష్క ఒకరు. ప్రస్తుతం ఈమె లేడి ఓరియెంటెడ్ సినిమాల్లో నటిస్తోంది. ఇకపోతే.. "సూపర్" సినిమాతో ఎంట్రీ ఇచ్చిన అనుష్క వరుస ఆఫర్‌లతో ఇండస్ట్రీలో మంచి నటిగా గుర్తింపు తెచ్చుకుంది. 

కాగా అరుంధతి సినిమాలో లేడీ ఓరియెంటెడ్ పాత్రలో నటించిన ఆ సినిమాతో భారీ హిట్‌ను తన ఖాతాలో వేసుకుంది. ఇక తాజాగా అనుష్క నటించిన నిశ్శబ్దం చిత్రం కూడా విడుదలకు సిద్ధంగా ఉంది. కాగా ఇప్పుడు అనుష్క మరో లేడీ ఓరియెంటెడ్ చిత్రానికి కూడా ఒకే చెప్పినట్టు తెలుస్తుంది. 

గతంలో అనుష్కతో 'భాగమతి' చిత్రాన్ని తీసిన ప్రముఖ చిత్ర నిర్మాణ సంస్థ యూవీ క్రియేషన్స్ ఈ సినిమాను నిర్మించడానికి ప్లాన్ చేస్తోంది. 'రారా కృష్ణయ్య' ఫేం పి.మహేశ్ దీనికి దర్శకత్వం వహిస్తాడని సమాచారం.