అనుష్క నటనతోనే అందరికీ ఆకట్టుకుంటుంది. అలాంటి అనుష్కను వెండితెరపై చూసి సంవత్సరం పైనే అవుతోంది. ఈ విషయం అనుష్క అభిమానులకు నిరాశ కలిగిస్తోంది. భాగమతి తరువాత ఏ చిత్రంలోనూ నటించని స్వీటీ.. పెరిగిన తన బరువును తగ్గించుకోవడానికి నానా అవస్థలు పడిందనే ప్రచారం జరుగుతోంది. అంతేకాదు, ఆ మధ్య ఆలయ దర్శనం చేసుకుంటే.. అనుష్క దోశ నివారణకోసం పూజలు నిర్వహించిందని, త్వరలో పెళ్లి పీటలెక్కబోతుందని వార్తలు ప్రచారం అయ్యాయి.
అయితే ఇలాంటి విషయాలు అస్సలు పట్టించుకోని అనుష్క ఆ మధ్య బరువు తగ్గడం కోసం విదేశాలకు వెళ్లారు. అక్కడ ఆమె ప్రయత్నం ఫలించి నాజూగ్గా రెట్టించిన అందాన్ని పోగేసుకుని తిరిగొచ్చారు. తాజాగా 'సైలెన్స్' అనే త్రిభాషా చిత్రంలో నటించేందుకు సిద్ధమైయ్యారు. మాధవన్ కథానాయకుడిగా నటిస్తున్న ఈ చిత్రంలో రానా అతిథి పాత్రలో తెరకెక్కనున్నారని సమాచారం.
హేమంత్ మధుకర్ తెరకెక్కిస్తున్న ఈ చిత్రంలో అనుష్క మూగ, చెపుడు కలిగిన యువతిగా నటించబోతుందని చెప్తున్నారు. అందుకోసమే ఈ అమ్మడు మూగ భాషలో శిక్షణ పొందుతోంది. అమెరికాలో మూగ భాషలో తర్ఫీదు తీసుకుంటుందని సమాచారం. అసలు మాటలే లేకుండా సైగలతో, ముఖ కవళికలతో సైలెన్స్ సినిమా ద్వారా అలరించడానికి స్వీటీ తయారవుతోంది.