పవన్ కళ్యాణ్ సర్‌ప్రైజ్ గిఫ్ట్ ఇచ్చారు.. జీవితాంతం మరచిపోలేను : అను ఇమ్మానుయేల్

పవర్ స్టార్ పవన్ కళ్యాణ్ సర్‌ప్రైజ్ గిఫ్టు ఇచ్చారని, దాన్ని జీవింతాంతం మరచిపోలేని నటి అను ఇమ్మానుయేల్ చెప్పుకొచ్చింది. 'మ‌జ్ను' సినిమాతో తెలుగు తెర అరంగేట్రం చేసిన మ‌ల‌యాళీ ముద్దుగుమ్మ... రెండో సినిమా

పవర్ స్టార్ పవన్ కళ్యాణ్ సర్‌ప్రైజ్ గిఫ్టు ఇచ్చారని, దాన్ని జీవింతాంతం మరచిపోలేని నటి అను ఇమ్మానుయేల్ చెప్పుకొచ్చింది. 'మ‌జ్ను' సినిమాతో తెలుగు తెర అరంగేట్రం చేసిన మ‌ల‌యాళీ ముద్దుగుమ్మ... రెండో సినిమాగా రాజ్‌త‌రుణ్ స‌ర‌స‌న 'కిట్టూ ఉన్నాడు జాగ్ర‌త్త' అనే చిత్రంలో నటించి మంచి మార్కులు కొట్టేసింది. 

ఆ త‌ర్వాత ఏకంగా ప‌వ‌ర్‌స్టార్ ప‌వ‌న్ క‌ల్యాణ్ స‌ర‌స‌న ఛాన్స్ ప‌ట్టేసింది. ప్రస్తుతం త్రివిక్ర‌మ్ దర్శకత్వంలో పవన్ హీరోగా నటిస్తున్న చిత్రంలో కీర్తీ సురేష్‌తోపాటు అను కూడా ఓ హీరోయిన్‌గా న‌టిస్తోంది. ఈ సినిమా షూటింగ్ సంద‌ర్భంగా ప‌వ‌న్ చేసిన ఓ ప‌ని గురించి అను బహిరంగ పరిచింది. 

ఈ సినిమా చిత్రీక‌ర‌ణ స‌మ‌యంలో ఓసారి ప‌వ‌న్.. నీకు ఇష్ట‌మైన ఆహారం ఏమిటి? అని అనును అడిగాడ‌ట‌. మాట‌ల మ‌ధ్య‌లో ఏదో స‌ర‌దాగా అడిగార‌నుకుని, త‌న‌కు అట్లు అంటే చాలా ఇష్ట‌మ‌ని చెప్పింద‌ట‌.

అయితే ప‌వ‌న్ మాత్రం అను చెప్పిన‌దాన్ని సీరియ‌స్‌గా తీసుకుని త‌ర్వాతి రోజు త‌న ఇంటి నుంచి అట్లు, కూర‌లు అను కోసం స్పెష‌ల్‌గా పంపించాడ‌ట‌. ఈ విష‌యాన్ని ఓ ఇంట‌ర్వూలో వెల్ల‌డించింది అను. అలా పవన్ ఇచ్చిన సర్‌ప్రైజ్ గిఫ్టును తన జీవితాంతం గుర్తించుకుంటానని చెప్పుకొచ్చింది.