హీరో నందమూరి బాలకృష్ణ నటించిన తాజా చిత్రం "వీరసింహారెడ్డి". ఈ నెల 12వ తేదీన ప్రపంచ వ్యాప్తంగా విడుదలైంది. అయితే, ఇందులో ఏపీలోని వైకాపా ప్రభుత్వాన్ని టార్గెట్ చేస్తూ పలు సందర్భాల్లో డైలాగులు ఉన్నాయి. ఈ డైలాగులకు సంబంధించిన క్లిప్పింగ్స్ ఇపుడు సోషల్ మీడియాలో చక్కర్లు కొడుతున్నాయి. ఈ విషయం జగన్ ప్రభుత్వ పెద్దల దృష్టికి వెళ్లింది.
ఈ నేపథ్యంలో వాటిని చిత్రంలో ఏయే సందర్భాల్లో ఉపయోగించారు. ఎవరినుద్దేశించి అన్నారో స్వయంగా తెలుసుకోవడానికి కొందరు కీలక అధికారులు గురువారం రాత్రి ఈ సినిమాను చూసినట్టు ప్రచారం జరుగుతోంది. వీరు సర్కారుకు వ్యతిరేకంగా కొన్ని సంభాషణలు ఉన్నట్టు గుర్తించారు. ఇదే అంశాన్ని వారు నివేదిక రూపంలో అందజేశారు. దీంతో వీరసింహారెడ్డి సంగతేంటో చూడాలని ప్రభుత్వ పెద్దలు నిర్ణయించినట్టు వార్తలు వస్తున్నాయి.