జబర్దస్త్ యాంకర్, నటీమణి అనసూయ తాజాగా సచ్చిందిరా గొఱ్ఱె అంటోంది. ఇదేంటి అనుకుంటున్నారు కదూ.. అనసూయ తదుపరి సినిమా పేరు ''సచ్చిందిరా.. గొఱ్ఱె''. ఈ చిత్రంలో జయమ్ము నిశ్చయమ్మురా సినిమాలో హీరోగా నటించిన కమ
జబర్దస్త్ యాంకర్, నటీమణి అనసూయ తాజాగా సచ్చిందిరా గొఱ్ఱె అంటోంది. ఇదేంటి అనుకుంటున్నారు కదూ.. అనసూయ తదుపరి సినిమా పేరు ''సచ్చిందిరా.. గొఱ్ఱె''. ఈ చిత్రంలో జయమ్ము నిశ్చయమ్మురా సినిమాలో హీరోగా నటించిన కమెడియన్ శ్రీనివాసరెడ్డి, అనసూయ, టిల్లు వేణు తదితరులు నటిస్తున్నారు.
ఈ సినిమాకు శ్రీధర్‌ రెడ్డి యార్వా దర్శకుడు. దీపక్‌ ముఖుత్‌, ఎన్‌.ఎం.పాషా నిర్మాతలు. ఎంటర్‌టైన్మెంట్‌ స్టూడియోస్‌, సోహమ్‌ రాక్‌స్టార్‌ ఎంటర్‌టైన్మెంట్‌ బేనర్స్‌పై తెరకెక్కుతోంది. ఈ సినిమా మూడో షెడ్యూల్‌ చిత్రీకరణ జరుగుతోంది.
ఈ సందర్భంగా ఏర్పాటు చేసిన మీడియా సమావేశంలో అనసూయ మాట్లాడుతూ.. తాను బాగా ఇష్టపడి ఈ సినిమా చేస్తున్నానని చెప్పింది. ఈ సినిమా సెట్స్‌లో అడుగుపెట్టగానే తనకు తెలంగాణ యాస వచ్చేసిందని.. సినిమా యూనిట్‌తో ఉన్నంత కాలం ఇంట్లో వున్నట్టే ఫీలయన్నానని చెప్పుకొచ్చింది.
శ్రీనివాసరెడ్డి మాట్లాడుతూ.. ఈ చిత్రంలో తన పాత్ర నిజ జీవితానికి దగ్గర్లో వుంటుందన్నాడు. ఎంటర్‌టైనింగ్‌గా ఈ చిత్రం సాగుతుంది. తప్పకుండా అన్నీ వర్గాల ప్రేక్షకులకు ఈ చిత్రం నచ్చుతుందన్నారు.