మాటల మాంత్రికుడు త్రివిక్రమ్ దర్శకత్వంలో స్టైలిష్ స్టార్ అల్లు అర్జున్ నటించిన చిత్రం అల వైకుంఠపురంలో. ఈ చిత్రంలో పూజా హెగ్డే హీరోయిన్‌గా నటించగా, సుశాంత్‌, టబు ప్రధాన పాత్రల కనిపించారు. ఈ సినిమాకు థమన్ సంగీతం అందించారు. నాన్ బాహుబలి చిత్రంగా అనేక రికార్డులు క్రియేట్ చేసిన అల వైకుంఠపురములో చిత్రం గత వారం ప్రముఖ ఛానెల్‌లో ప్రసారం చేయబడింది.
ఈ చిత్రానికి రికార్డ్ స్థాయిలో 29.4 టీఆర్పీ రేటింగ్ వచ్చింది. తెలుగు చిత్రాలలో ఇప్పటివరకు ఇదే అత్యధికం అంటున్నారు. లాక్‌డౌన్ వలన ప్రజలందరు ఇళ్లకే పరిమితం కావడంతో ఈ సినిమాని చాలామంది వీక్షించినట్టు తెలుస్తుంది. కాగా, సినిమాలోని ప్రతి సాంగ్ కూడా దేశ వ్యాప్తంగానే కాక విదేశీ ప్రేక్షకులని కూడా ఎంతగానో ఆకట్టుకుంది.
ఇదిలా ఉంటే.. అల వైకుంఠపురములో అంటూ సంక్రాంతికి ప్రేక్షకులకు ముందుకు వచ్చిన ఈ సినిమా రికార్డుల పంట పండిస్తోంది. నిత్యం ఏదో ఒక విషయంలో రికార్డులు సెట్ చేస్తూ దూసుకెళ్తోంది. తాజాగా ఈ సినిమా మరో సరికొత్త రికార్డును సొంతం చేసుకుంది. తాజాగా అల వైకుంఠపురములో చిత్ర ఆల్బమ్ వంద కోట్ల వ్యూస్ సాధించి యూట్యూబ్‌లో సరికొత్త రికార్డ్ సృష్టించిన సంగతి తెలిసిందే.