పుష్ప-2 రికార్డు బద్ధలు: కిసిక్ సాంగ్‌ రిలీజ్.. ఎప్పుడంటే?

ఐకాన్ స్టార్ అల్లు అర్జున్ నటిస్తున్న ప్రెస్టీజియస్ మూవీ పుష్ప-2 డిసెంబర్ 5న గ్రాండ్‌గా రిలీజ్ చేసేందుకు మేకర్స్ రెడీ అవుతున్నారు. ఇక ఈ సినిమా నుండి స్పెషల్ ఐటెం సాంగ్ అయిన ‘కిసిక్’ను నవంబర్ 24న రిలీజ్ చేస్తున్నట్లు మేకర్స్ ఇప్పటికే వెల్లడించారు. చెన్నైలో జరిగే ఈవెంట్‌లో ఈ సాంగ్‌ను మేకర్స్ రిలీజ్ చేయనున్నారు.

ప్రస్తుతం నిర్మాణానంతర పనులతో పాటు చివరి పాట చిత్రీకరణ జరుపుకుంటోన్న ఈ చిత్రం డిసెంబరు 5న ప్రపంచ వ్యాప్తంగా విడుదల కానుంది. మూడేళ్ల క్రితం ఇదే కాంబినేషన్‌లో విడుదలై ఘన విజయాన్ని నమోదు చేసుకున్న 'పుష్ప' ది రైజ్‌ చిత్రానికి ఈ సినిమా సీక్వెల్‌గా తెరకెక్కుతోన్న విషయం తెలిసిందే.   

ఇక వసూళ్ల పరంగా పుష్ప-2 ముందస్తుగానే రికార్డులు క్రియేట్‌ చేస్తోంది. ముఖ్యంగా యూఎస్‌ఏలో బాక్సాఫీస్‌ కలెక్షన్స్‌ విషయంలో 'పుష్ప-2'  వసూళ్ల వేట మొదలైంది. సినిమా విడుదలకు పన్నెండు రోజుల ముందే ఈ చిత్రం ప్రీసేల్స్‌లో కొత్త రికార్డులను నెలకొల్పుతోంది. 

ఇప్పటి వరకు యూఎస్‌ఏలో 45 వేల టిక్కెట్స్‌ పైగా సేల్స్‌ సాధించి 1.25 మిలియన్‌ డాలర్స్ మార్క్‌ కలెక్షన్‌ను టచ్‌ చేసింది. ఇది ఇండియన్‌ సినిమా నుంచి ఆల్‌టైమ్‌ ఫాస్టెస్ట్‌ వసూళ్లుగా యూఎస్ ట్రేడ్‌ వర్గాలు చెబుతున్నాయి.