న్యూ-ఇయర్ వేళ ప్రముఖ నటి పూర్ణ గుడ్ న్యూస్ చెప్పింది. ఈ ఏడాది వివాహ బంధంలోకి అడుగెట్టిన పూర్ణ త్వరలోనే తల్లికాబోతోంది. ఈ మేరకు తన యూట్యూబ్ ఛానల్‌లో ఓ వీడియోను పోస్ట్ చేసింది. ఈ వీడియోలో తన కుటుంబ సభ్యులతో శుభవార్తను పంచుకుంటూ సెలబ్రేషన్‌ చేసుకుంది.
ఈ వీడియోలో కుటుంబ సభ్యులతో సెలెబ్రేట్ చేసుకోవడం చూడవచ్చు. కాగా సినిమాలతో పాటు టీవీషోలతో బిజీగా ఉంటోన్న పూర్ణ రహస్యంగా పెళ్లి చేసుకుని ఫ్యాన్స్‌కు షాక్‌ ఇచ్చింది.
ఈ ఏడాది జూన్‌ 12న దుబాయ్‌ వేదికగా వ్యాపారవేత్త ఆసిఫ్‌ అలీతో పూర్ణ వివాహం జరిగింది. తన పెళ్లి విషయాన్ని నాలుగునెలల పాటు రహస్యంగా ఉంచింది.
అక్టోబర్‌లో సోషల్ మీడియా ద్వారా ఈ శుభవార్తను ఫ్యాన్స్‌తో పంచుకుంది. తాజాగా తాను తల్లి కాబోతున్నట్లు ప్రకటింటడంతో పూర్ణ దంపతులకు శుభాకాంక్షలు, అభినందనలు చెప్తూ పోస్టులు షేర్ చేస్తున్నారు.