కన్నడ స్టార్ హీరోయిన్ హరిప్రియతో కేజీఎఫ్ విలన్ వశిష్ట వివాహం జరగనుంది. సూపర్ డూపర్ హిట్ మూవీ కేజీఎఫ్ విలన్స్‌లో ఒకడైన వశిష్ట ఎన్.సింహా.. కన్నడంలో పలు సినిమాల్లో నటించాడు. కేజీఎఫ్ అతని కెరీర్‌కు టర్నింగ్ పాయింట్‌గా నిలిచింది. ఆపై అతనికి దక్షిణాది భాషల్లో ఆఫర్లు వెల్లువెత్తాయి.
తెలుగులోనూ ‘నయీమ్ డైరీస్, నారప్ప, ఓదెల రైల్వే స్టేషన్’ వంటి సినిమాల్లో కీలక పాత్రలు పోషించాడు. ఈ నేపథ్యంలో నాని సరసన పిల్ల జమీందార్ సినిమాలో నటించిన హరిప్రియతో వశిష్ట వివాహం జరుగనుంది.
హరిప్రియ అబ్బాయి క్లాస్ అమ్మాయి మాస్, జైసింహా వంటి చిత్రాల్లో నటించింది. ఇక వశిష్ట-హరిప్రియల నిశ్చితార్థం నిరాడంబరంగా శుక్రవారం జరిగింది. వీరి ఎంగేజ్‌మెంట్ ఫోటోలు ప్రస్తుతం నెట్టింట వైరల్ అవుతున్నాయి. మరి వీరి వివాహానికి సంబంధించిన డేట్స్ రిలీజ్ కాలేదు.