పుష్ప2 సినిమా రిలీజ్ ముందు రోజు అనగా నిన్న రాత్రి 10గంటలకు హైదరాబాద్ సంథ్య థియేటర్లో అభిమానుల షో వేశారు. ఇందుకు తండోపతండాలుగా ఫ్యాన్స్ హాజరయ్యారు. అయితే అల్లు అర్జున్ వస్తున్నాడు అనగానే పెద్ద ఎత్తున తోపులాట జరగడం, కొందరు గాయపడడం, ఒకరు చనిపోవడం జరిగింది. దీనిపై రేవతి భర్త భాస్కర్ మీడియాముందుకు వచ్చాడు.
మా బాబు శ్రీ తేజ, అల్లు అర్జున్ ఫ్యాన్. వాడి కోసమే మేము కుటుంబంతో సినిమాకి వచ్చాము. అందరూ మా బాబుని పుష్పా అని పిలుస్తారు మొదట నా భార్య పిల్లలు లోపలికి వెళ్లారు. అప్పటికి అభిమానులు మాములుగా ఉండే. ఒక్కసారి అల్లు అర్జున్ రావడంతో క్రౌడ్ పెరిగింది.. తొక్కిసలాట జరిగింది.. మా బాబు పరిస్థితి విషమంగా ఉందని డాక్టర్స్ చెప్పారు. కానీ ఒక్కసారిగా అభిమానులు పోటెత్తడంతో మా భార్య ను కోల్పోవడం తట్టుకోలేక పోతున్నా. ఇక పోలీసులు CPR చేసినపుడు మా బాబు స్పృహ లోకి వచ్చాడు.. వెంటనే ఆసుపత్రికి తరలించారు. వెంటనే అల్లు అర్జున్ స్పందించి కుటుంబానికి అండగా ఉండాలని డిమాండ్ చేస్తున్నాం అని బంధువులు పేర్కొన్నారు. అదేవిధంగా బందోబస్తు సరిగ్గా చేయని సంధ్య థియెటర్ పై చర్యలు తీసుకోవాలి అని డిమాండ్ చేశారు.