సెలెబ్రిటీలు అధిక సంఖ్యలో కరోనా బారిన పడుతున్నారు. నిన్న స్టార్ హీరోయిన్స్ కరీనా కపూర్, అమృత అరోరాలకు కూడా కరోనా పాజిటివ్ అని తేలింది. ఇటీవల కమల్ హాసన్ కూడా కరోనా బారిన పడి కోలుకున్నారు.
తాజాగా మరో హీరో కరోనా బారిన పడ్డాడు. తమిళ్, తెలుగు, కన్నడ సినిమాల్లో స్టార్ డమ్ సంపాదించిన సీనియ‌ర్ హీరో, న‌టుడు అర్జున్ స‌ర్జాకు కరోనా సోకింది. ఈ విషయాన్ని ఆయనే స్వయంగా తన సోషల్ మీడియా ద్వారా ధ్రువీకరించారు. కోవిడ్ టెస్ట్ చేయించుకున్న తర్వాత పాజిటివ్ అని తేలిందని చెప్పారు.
వెంటనే తాను తగిన చర్యలు తీసుకుని ఐసోలేషన్‌కి వెళ్లానన్నారు. ఈ మధ్య కాలంలో తనను కలిసిన వారు, తనకు సన్నిహితుసై దగ్గరి వాళ్లు కోవిడ్ పరీక్షలు చేయించుకోవాలని తాను విజ్ఞప్తి చేస్తున్నానని చెప్పారు. అందరూ జాగ్రత్తలు తీసుకోండి.
"ప్రస్తుతం తన ఆరోగ్య పరిస్థితి బాగుంది. మీరు జాగ్రత్తగా ఉండండి. మాస్కులు ధరించడం మర్చిపోకండి" అని పోస్ట్ చేశారు. దీంతో ఆయన అభిమానులు అర్జున్ త్వరగా కోలుకోవాలని సోషల్ మీడియాలో కామెంట్లు చేస్తున్నారు.