బాలీవుడ్ నటుడు, 'మిస్టర్ ఫర్ఫెక్ట్' అమీర్ ఖాన్ నటించిన కొత్త చిత్రం "లాల్ సింగ్ చడ్డా". ఈ నెల 11వ తేదీన ప్రేక్షకుల ముందుకురానుంది. ఈ చిత్రానికి వ్యతిరేకంగా సోషల్ మీడియాలో తప్పుడు ప్రచారం సాగుతోంది. దీనిపై అమీర్ ఖాన్ స్పందంచారు.
"నాపైనా, నా సినిమాపైనా ప్రతికూల ప్రచారం జరుగుతున్నందుకు చాలా బాధగా వుంది. నాకు భారత్ అంటే ఇష్టం లేదని కొంతమంది అనుకుంటున్నారు. అందుకు విచారం వ్యక్తం చేస్తున్నా... నేను దేశాన్ని గౌరవించనని ఎవరైతే అనుకుంటున్నారో... వాళ్లకు చెప్పేది ఒక్కటే.. ఈ విషయంలో ఎలాంటి నిజం లేదు. నా గురించి అటువంటి ప్రచారాలు జరగడం దురదృష్టకరం. దయచేసి నా సినిమా చూడండి. బాయ్ కాట్ చేయొద్దు" అని పేర్కొన్నారు.
కాగా, హాలీవుడ్‌లో సూపర్ హిట్‌గా నిలిచిన ఫారెస్ట్ గంప్‌కు "లాల్ సింగ్ చద్దా" రీమేక్. ప్రధాన పాత్రలో అమీర్ ఖాన్ నటించగా, ఆయన సరసన కరీనా కపూర్ నటించారు. టాలీవుడ్ యంగ్ హీరో నాగ చైతన్య ఓ కీలక పాత్రను పోషించారు. ఈ నేపథ్యంలో "బాయ్ కాట్ లాల్ సింగ్ చడ్డా" అంటూ సోషల్ మీడియాలో ప్రచారం సాగుతోంది.