యువత, నిరుద్యోగం కథగా ఆర్ నారాయణ మూర్తి యూనివర్సిటీ చిత్రం రూపొందించారు. నేడు సెన్సార్ పూర్తి చేసుకుంది. ఈ సందర్భంగా ఆర్ నారాయణ మూర్తి మాట్లాడుతూ; స్నేహ చిత్ర పిక్చర్స్ - “యూనివర్సిటీ" చిత్రం సెన్సార్ పూర్తి అయింది .అతి త్వరలో ఆడియో రిలీజ్ చేసి త్వరలోనే ఈ చిత్రాన్ని విడుదల జేస్తాం.
10వ తరగతిలో పేపరు లీకేజీలు - గ్రూపు 1-2 లాంటి ఉద్యోగ పరీక్షల్లోనూ పేపరులీకేజీలు ఇలా అయితే విద్యార్థుల భవిష్యత్ ఏం కావాలి ? నిరుద్యోగుల జీవితాలు ఏమైపోవాలి ? లంబకోణాలు నేర్పిన వాళ్ళే కుంభకోణాలు జేస్తూ ఉంటుంటే రెక్కలు తెగిన జాతీ పావురాలు విలవిల కోట్టుకుంటూ ఊపిరాడక గింజు కుంటుంటే ఈ విద్యావ్యవస్థ, ఈ ఉద్యోగవ్యవస్థ నిర్వీర్యం కావాలా? కాకూడదు. మనది నిరుద్యోగ భారతం కాదు. ఉద్యోగ భారతం కావాలి అని చాటి చెప్పే చిత్రమే ఈ “యూనివర్సిటీ” అని తెలిపారు.
నటీనటులు - ఆర్. నారాయణ మూర్తి మరియు నూతన తారాగణం. కెమెరా - బాబూరావు దాస్, ఎడిటింగ్ - మాలిక్, పాటలు: గద్దర్ - నిస్సార్ - మోటపలుకులు రమేష్ - వేల్పుల నారాయణ, గాయకులు - గద్దర్ - సాయిచరణ్ - గోస్కుల రమేష్ - పల్లె నరసింహం, కథ-స్క్రీన్ ప్లే - మాటలు - సంగీతం - దర్శకత్వం - నిర్మాత : ఆర్. నారాయణ మూర్తి