రజనీ "2.O" ఆడియో రిలీజ్‌కు ఆత్మీయ అతిథిగా విశ్వనటుడు
తమిళ దర్శకుడు శంకర్, సూపర్‌స్టార్ రజనీకాంత్ కాంబినేషన్‌లో తెరకెక్కుతున్న భారీ బడ్జెట్ మూవీ "2.0" (2.ఓ). గతంలో వచ్చిన రోబోకు సీక్వెల్‌గా వస్తున్న ఈ సినిమాను శంకర్ హై టెక్నికల్ వాల్యూస్‌తో హాలీవుడ్ మూవీ
బుధవారం, 25 అక్టోబరు 2017 (10:23 IST)
తమిళ దర్శకుడు శంకర్, సూపర్‌స్టార్ రజనీకాంత్ కాంబినేషన్‌లో తెరకెక్కుతున్న భారీ బడ్జెట్ మూవీ "2.0" (2.ఓ). గతంలో వచ్చిన రోబోకు సీక్వెల్‌గా వస్తున్న ఈ సినిమాను శంకర్ హై టెక్నికల్ వాల్యూస్‌తో హాలీవుడ్ మూవీస్‌కు ఏ మాత్రం తగ్గకుండా తీస్తున్నాడు. ఈ చిత్రానికి ఆస్కార్ అవార్డ్ అవార్డు విజేత ఏఆర్ రెహ్మాన్ సంగీత బాణీలు సమకూర్చుతుండగా, ఈ చిత్రం ఆడియో విడుదల కార్యక్రమం ఈనెల 27వ తేదీన దుబాయ్‌లోని బుర్జ్ పార్క్‌లో ఏర్పాటుచేశారు.
అయితే, ఏఆర్ రెహ్మాన్ లైవ్ ఫర్‌ఫార్మెన్స్‌తో ప్రారంభంకానున్న ఈ ఈవెంట్‌కు చీఫ్ గెస్ట్‌గా రజనీ కోస్టార్, స్నేహితుడు కమల్‌హాసన్ హాజరుకానున్నట్లు కోలీవుడ్ వర్గాలు వెల్లడించాయి. రూ.400 కోట్ల భారీ బడ్జెట్‌తో తెరకెక్కుతున్న ఈ సినిమాలో అక్షయ్‌ కుమార్ విలన్ పాత్రలో నటిస్తున్నాడు. అమీజాక్సన్ హీరోయిన్‌గా నటిస్తోంది.