అర్జున్ రెడ్డి, గీత గోవిందం హీరో, యంగ్ స్టార్ విజయ్ దేవరకొండ బయోపిక్‌లో నటించనున్నాడు. తాజాగా విజయ్ దేవరకొండ బాలీవుడ్‌లో నటించబోతున్నాడని వార్తలు వస్తున్నాయి. ప్రముఖ క్రికెటర్ కపిల్ దేవ్ బయోపిక్‌ను దర్శకుడు కబీర్ ఖాన్ తెరకెక్కించనున్నాడు. ఈ సినిమాకు ''83'' అనే టైటిల్‌ను ఖరారు చేసేందుకు రంగం సిద్ధం అవుతోంది.
ఈ చిత్రంలో కపిల్ దేవ్ పాత్రలో రణ్‌వీర్ సింగ్ కనిపించనున్నాడు. ఈ చిత్రంలో కీలక పాత్ర కోసం విజయ్ దేవరకొండను సంప్రదించినట్లు బిటౌన్ వర్గాల సమాచారం. కాగా కపిల్ దేవ్ స్నేహితుడు ప్రముఖ క్రికెటర్ కృష్ణమాచారి శ్రీకాంత్ పాత్ర కథకు కీలకం కావడంతో ఆ పాత్రలో విజయ్ దేవరకొండను నటింపజేసేందుకు కబీర్ ఖాన్ నిర్ణయించుకున్నట్లు వార్తలు వస్తున్నాయి. ఈ సినిమా షూటింగ్ వచ్చే ఏడాది ప్రారంభం కానుంది. 2020లో సినిమా విడుదలయ్యేందుకు సన్నాహాలు జరుగుతున్నాయని టాక్.