ద్యావుడా ఒక్క పాట కోసం మూడు కోట్ల ఖర్చా? ఆర్ఆర్ఆర్‌లో అలియా వేసుకునేది బంగారు దుస్తులా?
శుక్రవారం, 16 జులై 2021 (20:45 IST)
టాలీవుడ్ దర్సకధీరుడు రాజమౌళి సినిమా అంటే అద్భుతమైన దృశ్యాల సమాహారంలా ఉంటుంది. కథను అల్లుకునే తీరు, ఆ కథను ఆవిష్కరించే విధానం కథనాన్ని నడిపించే తీరు చాలా ఉత్కంఠభరితంగా ఉంటాయి. అందుకే ఆయన డైరెక్షన్లో సినిమా వస్తుందంటే ప్రపంచ వ్యాప్తంగా ఉన్న తెలుగు వాళ్ళంతా ఎంతో ఆసక్తికరంగా ఎదురుచూస్తుంటారు. ప్రస్తుతం రామ్ చరణ్, జూనియర్ ఎన్టీఆర్‌లు హీరోలుగా రూపొందుతున్న చిత్రం ఆర్.ఆర్.ఆర్.
ప్రస్తుతం ఈ సినిమాపై ప్రేక్షకుల్లో భారీ అంచనాలే ఉన్నాయి. యాక్షన్ డ్రామా మూవీగా తెరకెక్కుతున్న ఈ భారీ యాక్షన్ మూవీలో ఎన్టీఆర్ కొమరంభీంగా నటిస్తుండగా రామ్ చరణ్ అల్లూరి సీతారామజుగా నటిస్తున్నారు. అయితే తాజాగా ఈ సినిమాకు సంబంధించి పెద్ద చర్చే నడుస్తోంది.
కేవలం ఒక్క పాట కోసం ఏకంగా 3 కోట్ల రూపాయలు ఖర్చు చేయబోతున్నారట. ఈ పాటలో అలియాభట్ సందడి చేయనున్నట్లు తెలుస్తోంది. అలియా కాస్టూమ్స్ కోసమే దాదాపు కోటి రూపాయల వరకు ఖర్చు చేయనున్నారట.
అయితే కేవలం ఒక్కపాట కోసం మూడు కోట్ల బడ్జెట్‌ను వెచ్చించడమంటే ఆశ్చర్యపరిచే విషయమే. జక్కన్న అనుకున్నట్లుగా సినిమా చేయడానికి ఎక్కడా వెనక్కితగ్గరనేది అందరికీ తెలిసిందే. ఆయనకు తగ్గట్లుగానే నిర్మాతలు సైతం ఎంత బడ్జెట్ పెట్టేందుకైనా సిద్థంగా ఉంటారు. ఇది అందరికీ తెలిసిందే. భారతీయ సినిమా చిత్ర పరిశ్రమలో మునుపెన్నడూ లేని విధంగా ఈ పాట రూపుదిద్దుకోనుందట.