పవర్ స్టార్ సరసన ఏజెంట్ హీరోయిన్..?

Pawan Kalyan

పవర్ స్టార్ పవన్ కళ్యాణ్ కొత్త హీరోయిన్‌తో జతకట్టనున్నాడనే వార్త ప్రస్తుతం నెట్టింట వైరల్ అవుతోంది. "పంజా" మూవీలో సారా జేన్ డయాస్ తెలుగు ప్రేక్షకులకి కొత్త అమ్మాయి అయినప్పటికీ బాలీవుడ్లో ఆమెకి అప్పటికే మంచి పేరు ఉంది. ఆ తరువాత పవన్ కళ్యాణ్ కొత్త హీరోయిన్ తో నటించింది లేదు. 

అయితే తాజా సమాచారం ప్రకారం చాలా కాలం తర్వాత ఒక కొత్త అమ్మాయి పవన్ కళ్యాణ్ సరసన హీరోయిన్‌గా కనిపించబోతోందట. ఆమె సాక్షి వైద్య. మోడల్‌గా తన కెరీర్‌ను మొదలెట్టిన సాక్షి ఇప్పుడు పవన్ కళ్యాణ్ సరసన హీరోయిన్‌గా ఎంపిక అయినట్టు వార్తలు వినిపిస్తున్నాయి.

పవన్ కళ్యాణ్ హీరోగా సురేందర్ రెడ్డి దర్శకత్వంలో ఒక సినిమా త్వరలో ప్రేక్షకుల ముందుకు రాబోతున్న సంగతి తెలిసిందే. ఆ సినిమాలో హీరోయిన్ పాత్ర కోసం సాక్షి వైద్య ను ఎంపిక చేసినట్లు వార్తలు వినిపిస్తున్నాయి. 

నిజానికి సురేందర్ రెడ్డి దర్శకత్వం వహిస్తున్న " ఏజెంట్ " సినిమాలో సాక్షి వైద్య హీరోయిన్‌గా కనిపించనుంది. అయితే "ఏజెంట్" సినిమా లో సాక్షి నటన చూసి ఇంప్రెస్ అయ్యి సురేందర్ రెడ్డి పవన్ కళ్యాణ్ సినిమాకి కూడా ఈమెని హీరోయిన్‌గా ఎంపిక చేశారా లేక ఆమె పవన్ కళ్యాణ్ పక్కన బాగుంటుందని అనే దానిపై ఇంకా క్లారిటీ లేదు.